Drew
Monday came. Maaga akong gumising dahil hindi umuwi kagabi si Kuya wala ang kasabay pagpasok sa trabaho. Bitbit ang tuwalya, bubuksan ko na lang ang pinto ng kuwarto ko nang mapansin ang isang kapirasong papel sa sahig. Pinulot ko iyon.
Note galing kay Kuya Bernard, huwag na daw akong pumasok dahil walang masyadong gagawin. Pero mamayang gabi daw kailangan kong pumunta sa bar para sa party ng isang investor. Bumalik ako sa kama. Eh di huwag pumasok. Sino bang may ayaw ng extended pahinga?
Kinagabihan nagpunta ako sa bar. Pero nagtaka ako parang walang tao? Yung guard lang sa labas ang nadatnan ko. Patay ang ilaw sa loob. Niloloko lang ba ako nila Kuya? Ang sabi naman ng guard may tao, basta pumasok lang daw ako. Madilim wala akong makita lalo na at sadyang malabo ang mga mata ko.
