General Mathematics
Kinagat ko naman iyong labi ko saka binuklat nalang iyong libro. Muli ko na namang nararamdaman iyong nagbabadyang tawa sa akin.
Nilingon ko si Sett na nagsasagot ng ibang subject at assignment niya. Hindi ko parin talaga mapigilang matawa dahil ni-prank raw siya siguro nila Austin kanina noong practice nila.
Nakasandal lang si Sett sa kamao niya habang nakakunot ang noo at seryosong nagbabasa. Huminga akong malalim saka tumayo dahilan para mapatingin siya sa akin.
“Kuha lang ako tubig,” sabi ko sa kaniya at tumango nalang siya.
Dumiretso na ako ng kusina saka kumuha ng tubig at pati noong ginataang bilu-bilo na niluto ni Nanay Eli para dalhan narin si Sett. Dahan-dahan ko namang inilapag iyong mga hawak ko dahil nakita kong nakayuko at nakapat
