THEA
Simula nang sinagot ko si Daddy, hindi na niya ako masyadong kinakausap. Kahit humingi na ako ng tawad sa kanya, nanatiling malamig ang pakikitungo niya sa akin. Ang sabi ni Mommy, hayaan ko na lang muna raw. Hindi rin naman daw nito ako matitiis. Pero hindi ibig sabihin ay titigil akong manuyo sa kanya. May kasalanan din naman ako, kaya ako ang dapat na gumawa ng hakbang para bumalik kami sa dati.
Nag-usap na rin kami ni Kuya Tan-Tan. Kahit nagkaayos na kami, alam kong dinamdam niya ang pagsagot ko sa kanya. Madalas kaming magbiruan dati, pero ngayon, parang iwas na siyang gawin iyon. Parang naging sensitive siya sa nararamdaman ko.
Bumalik na rin ako sa condo. Wala akong mahingahan sa bahay, kaya bumalik ako kung saan walang makakapansin sa pinagdadaanan ko. Ang unit ko ang sak
