“Kuya, bukas na ang debut ni Thea. Ano’ng regalo mo sa kanya?” tanong ng kapatid ko.
Sinadya niya akong puntahan sa opisina para ipaalala sa akin na kaarawan na ng matalik niyang kaibigan bukas. Galing pa siya sa school. Akala ko nga ay kasama niya si Althea. Nakatanggap ako ng mensahe mula sa kanya na pupunta siya sa opisina, kaya umasa ako na kasama niya ang kanyang kaibigan, pero nadismaya lang ako dahil mag-isa lang siyang dumating.
“I’m not sure if I can make it.”
“What?” gulat na sambit ni Chazzy. As I expected, magugulat nga siya sa sasabihin ko. “Kuya, bakit? Mahalaga ang araw na iyon kay Thea, tapos hindi ka pupunta? Tiyak na magtatampo sa ‘yo si Thea, Kuya.”
Isang mahabang buntong-hininga ang pinakawalan ko. Pupunta naman talaga ako. Ang totoo niyan, bumili na ako ng regalo
