Sa halip ng planong pag-uwi, pinili ni Dedo na manatili sa party—hindi dahil sa anumang personal na interes, kundi sa matinding curiosity na bumabagabag sa kanyang isip. Ang babaeng kanyang nakita ay kahawig na kahawig talaga ni Zhoey. Hindi niya maipaliwanag ang biglaang pag-aalimpuyo ng kanyang damdamin, ngunit may kung anong puwersang nag-udyok sa kanya na manatili sa party, tingnan ang babae, at alamin kung sino ito.
Maya-maya, tinawag na ang mga VIP upang lumakad sa red carpet—kasama siya sa piling grupo. Nagkagulo ang mga bisita, lalo na ang mga kababaihan, habang nagkikislapan ang mga ilaw at patuloy na pumupusyaw ang flash ng mga camera, nakatuon sa mga hinahangaan at kinikilalang panauhin.
Napansin niya ang sobrang kilig ni Doreen habang siya'y naglalakad, ang mga mata nitong ku
