Two months have passed in a blur.
Ang mga nangyari sa nakaraang dalawang buwan ay nag-iwan ng pilat sa pisikal at emosyonal na estado ni Remira. Sa tuwing nakikita niya ang peklat sa braso at balikat, agad na pumapasok sa isip niya ang mukha ni Angela at ni Jepoy.
Isang buwan silang naglagi sa ospital para kay Sister Martha. At sa loob ng isang buwan na iyon, hanggang sa ngayon ay kung saan-saang police station siya nagpunta.
Ipina-blatter niya ang mama niya, si Jepoy at ang walanghiya niyang tatay-tatayan. Kung saan saang lugar na siya nadala ng mga paa niya para magpaskil ng larawan ni Jepoy bilang 'Missing'.
At hanggang ngayon, wala pa din siyang nakukuhang kahit ano.
Until that one faithful day...
Inaayos niya ang pagkakasampay ng mga nilabhang damit habang manaka-nakang tiniting
