رصاصة الرحمة

القصة منقولة على لسان صاحبها،،، رصاصةالرحمة هو تعبير مجازي يُشير إلى إنهاء أمر ما عندما يكون ميؤوساً من رجوعه أو عودته أو بقائه. وأنه وصل لمرحلة تكون نهايته أفضل من بقائه. رصاصة الرحمة - سوال اذا كان عندك شخص عزيز على قلبك وشفتة يتعذب ممكن تهدي رصاصة رحمة تخلصة من الالامة،سؤال صعب،،والاصعب لمن تكون بهذا الموقف،،، اسمي رائد جاسم عبدالعاطي ضابط بالداخلية بيوم واني ضمن خفارتي جتنا اخبارية من الجيران على بيت مشبوه،،وجانت الاخبارية سماع اصوات داخل المنزل المشار اليه انفا،،، ملازم عادل،،، نعم ،،سيدي،، حضرلي دورية رح نداهم بيت وحضرلي قوة بسرعة،،، حاضر سيدي،،، طلعت الدورية حاوطنة البيت ،،، ودخلنة بحذر دنيا ظلمة ماكو كهرباء خوف لايكون كمين ،،،بيت بي3زلم،، ومرة جبيرة مقعدة،، وبنات بالثلاثينات اثنين ماكو شي يثير الشك،،، جهال موجودين هم،،، اسفين يابة،،، جتنا اخبارية غلط،،، بس شكلهم مو مريح، ظليت واگف،،،اجوي ،،بلغوني،، سيدي اخبارية كاذبة،، لاحول الا بالله احنا بيا وضع والناس تشمر بكيفهة يگول ماعدنة شغل وعمل،،،يلة لم الولد خ نرجع للمركز،،،، سيدي ،،،اكو رهينة محجوزة بالطابق الثاني،،، فتنا ركض للبيت النسوان يبچون،،، الولد التزموهم دفرات وضرب،،، فتنا غرفة ظلمة ظلام دامس ،بيهة سرير وغراض قديمة،،، رائد:ملازم عادل ،،،شغل الضوة،،، شنو سيدي،،، شغلة،،دنشوف،،، شغل اللايت،،وجهته بوجه الرهينة،،، رباب،،،هاي انتي،،، هاي اللحظة رجعتني سنين ايام الكلية،،، اول يوم،،،كلية ادارة واقتصاد،، رائد،،، رائد،،،،ولك انتظر متگلي خايب ع شنو مستعجل،،، محمد،،انت فاهي واني مستعجل ،، اني اريد اكمل كلية واشوفلي شغل،، انت گلتها دور شغل،،، هذا الوكت حتة الصيدلي يشتغل صباغ احذية شدتحچي انت،،، رائد:يعني العالم صبح بناس متفاءلة تنطيك امل بالحياة،،، وانت مصبحلي صباغ احذية خرب الحظ،، متشوفني ماانتظرك ،،اعرفك ،،،مو شكول واحد يمشي وياك،،، ههههه، تعال لاتزعل،،، ان شاء الله صير تاجر،،، تاجر مرة وحدة،، گول غيرها خل احصل وظيفة وابوس ايدي وجه وگفة،،، اگلك متريگ،،، لا،،حبيب عندي فريق بالبيت ،،،بين مااغسل وجهي ينمسح الماعون،،، امشي نشتري لفةونتقاسمها،،، رائد:وشرح تنطيني گمع الصمونة،،، محمد!:كلمن ياكل على حجم كرشة،،، وانت بس تشتم الريحة تشبع،،، اما خويك،،ماكو شي يشبعة ارجع اضربلك3مواعين تمن،،،يلة اشبع،،، دمشي يلا لحگ عالامانة، تصعد السيارة مليانة عالم وتباوع بعيون الناس كلها خوف ورعب من الحزب والبعثية والمخبرين الي موجودين بكل مكان وهاي سياسة الخوف الي چنا عايشيهة،،، الطلاب يداومون من لاچارة خايفين من العسكرية، بس الحياة چانت حلوة كل شي الة طعم ثاني،،،، هناك وتدخل بنية ضحكتها مثل الشمس، تدفي الحواليهة بنية مثل الگمر شعرها اسود سواد الليل وعيونها كبار ومزيد جمالها رموش طوال وخشم مرسوم رسم ولاجمال الشفةالصغيرة واكو شامة جوا شفتها الطول غصن البان والطلة طلة عيد الفطر الي تفرح الصايم بجية العيد،،هاي اول يوم اداوم مرحلة ثالثة، جتي زينب زميلتنا وهي حبيبة صديقي محمد الي يعرف حبهم ماله نهاية بسبب الضروووف، سنة 2001 جتي زينب وگايدة الگمر باايدهة،، زينب:يسعد صباحكم،،سنة دراسية سعيدة،،، محمد:سعيدة علية لان اشوفچ حبيبة گلبي،،،اني اذا اكو سبب يخليني اداوم فهو انتي،، زينب: يمة منك،،،فدوة لعينك،،، البارحة ليش سديتي تلفون بوجهي،،، والله ابوية اجة،وماكدرت ابقى احچي،، صدگ حبيبتي،، صدگ والله،،، رباب:شكلكم مطولين بالسبل،،،، مرحبا عيني اسمي رباب،،، رائد: مرحبا،،،اسمي رائد،،،،،، مراحب ،،،، بس مشايفيج بالكلية قبل ،،، چنت بجامعة الموصل،،،وهسة رجعنا بيتنا وتحولت،،، اهاااا،،،، اهلا وسهلا بيچ،،، اهلا بيك،،، من رخصتك،،، زينب تدخلين محاضرة لو تبقين،،، زينب:يووو،،،يارباب ملحوگين عالمحاضرات،،مو من اول يووووم،،،، رباب،،بكيفچ ،،،من رخصتكم،،، رآئد،،،انتظري جاي وياچ،، ماااااشي،،، ثلاث سنوات بالكلية محبيت انطخ ببنيةالكل وياهم علاقة صداقةوزمالة واكتفي اعرف ضرووفي بس يسمعون بمنطقتنا يشردون، مااعرف ليش كآنو العايش بذيچ المناطق عايش بعشوائيات مو ببيوت يمكن لان عوائل چبيرة ،حالة الاغلب فقراء، مااحب اعيش بكذبة، رباب:رائد،،رائد،،،انت ياشعبة،، هاااا،،، يعني اني وياك نفس الشعبة لو لا،،، تعالي شوفي اسمچ،، اريد ويا زينب هيج احسن،،، من احتاج هي وياي نفس الشعبة،،، كافي سنة راحت علية،، انتي عايدة سنة،،،، اجلت العام بسبب ضرووف عائلية،،، ااريد اخلص الجامعةوارتاح،،، دورين وظيفة،،، لا، ياوظيفة،،،اني اريد اخذ شهادة واهج،،، شنووو،،، انسى وتعال ،،اني غيرت راي هاي زينب متفيدني مگضيتهةسردح،وماكو دوام،، هم ، يريدون ميضيعون وقت،، وبعددددين،،، بعدين شنو اخرتهة،،، هم متفقين، لاممتفقين رائد،زينب شايفة اكو اشياء تتغير وتقشمر روحها،شنو هالحب الي بلا مستقبل، هاي انتو الولد مو مهم عدكم بس احنا الموضوع يآثر علينا ويدمرنا، لهذا الي دسوي زينب ومحمد اسمه غباء،، يووو شكلك حاقدة على الرياجيل،،، گلت بسري،،، رباب شخصية قوية وعنيدة من الداخل ع** الي يبين بالظاهر شخصيةمليانة انوثة عندها عيوب هواي بشخصيتها طباعها حادة كبرياءها عالي متحب احد يناقشها قليلة الكلام كانه دافنة اسرار،متختلط بس اذا حچت صاحبة حضور ،وشخصيةمرحة الي تحبة تحبه والي تكرهةتكرهة ،، لهذا خفت منها خفت لاتستصغرني، اذا عرفت وين ساكن وهي وين ساكنة بشارع فلسطين واني بالمدينة(الثورة سابقا) هي من عائلة غنية او عائلتهة كلهم واصلين بالجيش والدولةابوها امر لواء متقاعد،واخوتها عدهم علاقات، بس چانت مااعرف شااوصفها شبعانة ،متشوف الناس بدونية ولا تدور مستويات، بس تخلي لكل واحد حدودة، تحاول تبين حريصة بس مستواها متوسط، رائد،رائد،،، انت هواي تصفن،،،شكلك چنك واكع بالحب ومچلب بالطاسة، لا، عمي ياحب،،،اني مااحب ولااريد انحب،،، هاي شنو ،لازم عندك عقدة من البنات احچي الصدك مضروب بوري،، لا يابة ممضروب بوري،، بس ماجاي ارتبط، عفية عليك،اشجعك،تعرف تعلمت عليك هاي زينب مچلبة بصاحبك واني مو بسهولة اخذ على احد زين ارتاحيتلك،،، هلا والله، ارتاحيتلك،،مسوية فضل علية، عايف اشغالي، ومگابلچ لان محمد وجه الچينكو،ومثل مااتفضلتي مچلب بزينب، ههههه، عوفهم كلهة كم يوم ويغنون ظلمو، لما الضرووف ،ليش يفترقون،بس ضروفنا تعبانة، وال،، كمل ليش سكتت، الي فوگ مريشين والجوا مسحوگين، بس رائد اسالك سوال، محمد سوا شي عمود يعرف ضرووفة متسمح، اذا هو حتة شغل مديشتغل،،، شيشتغل بهالزلگ، عسة مو عمالة ،المهم يحاول،، مو گاعد هو وزينب يگضون وكت وكلمن يروح لحالة لو ناوي يحجز زينب وتمر سنين عالبنية وهي ممزوجة، هو موعدهة بشي،،، لا، وعدهة،،، يابة هو صديقي واعرف گايل للبنية ضرووفي تعبانة ، ومااگدر اسويلچ شي،يعني شنو واعدها بي؟ لمن يگللهة احبچ، مو وعد،،لمن يگللهة مااگدر اعيش بلياچ مو وعد، الوعد مو الة تگول وعدتك، الوعد نذر اذا نذرتة لشخص وحبيتة لازم تلتزم وتوفي ،چكد مجان صعب او مكروه، والا رح تلعنك لعنة تصاحبك طول العمر يعني صاحبتچ اذا جاها عريس مناسب مرح تتزوج وتنسى محمد،،، حتة لو زوجت ظل ذكرى الي بينهة وبين محمد يلاحقهة ،بكل مكان تروحلة ، لاتنسى هي بنية الي يزوجهة رح يسال عنها،، رائد: اسآلج سوال، اسال، انتي جربتي توعدين احد وعد وتجبرچ الضرووف تخلفينة، اني عمري موعدت وعد وخلفت بي عسى مو اموت بس مااخلف وعدي وكلمتي وحدة مصير ثنين،،، رائد،،يوم عن يوم احسها يكبر داخلي حبهة، شخصيتهة قوتهاذكائها عگدت حاجبها كل شي بيها يعجبني، ، وشكلي رح اتراجع عن مبادئي ،واوگع بالي هربت سنين منةالا وهو الحب،،،، رباب،،،رباب،، دتسمعيني،،هاي انتي شجابج هنا شسولج، چانت جثة بروح نفس بس يطلع العيون غارگة بدوائر سود وشفتها بيضة ضعفانة وماباقي بيهةشي، هزيتهة ،باوعت بوجهي ،واتخربطت،،، رباب،،رباب،،،دتسمعيني،، خابرو الاسعاف بسرعة،،، خابروو ،،،،،، سيدي،،،والزلم والنسوان بالبيت؟ اعتقلوهم ،وخلو النسوان تحت المراقبة، حاولت ابين قوي ، صعب تشوف وردتك تذبل بين ايدك وماشبعت انت بيهة شم،،،،، هااا، دكتور،،طمني،،، سيادة الضابط، تعال للمكتب ،نشرب قهوة واحچيلك حالة المريضة،،، دكتور، حالة المريضة مهمة بالقضية ولازم احرص على سلامتها ، سيدي، المريضة لازم تحول لمركز الادمان ، نعععععم،،ليش،، الضحية مدمنة،،، دكتور ، انت شدتحچي ،،، شجابها عالادمان،، انت ماتعرف ،،هاي البنية اعرفها من ايام الكلية ،مستحيل الي تحچي اصدگة، سيدي انت ضابط شرطة اكيد يمرون عليك هواي حالات ولد ناس واهلهم تعبانين عليهم بس للاسف بمزاجهم اوغصبا عنهم يمشون بهالدرب ورا السقوط ماكو رقابة ولاسلطة، وللاسف مريضتك واصلة مرحلة من الادمان ،منطيهة جرعة م**رة من الانواع الرخيصة، احنا انطيناهة مهدآ بس دنعالج الجفاف العدهة وبعدين لازم نحولها للمستشفى هناك تنحجز ويتعاملون ويا حالتها،،، دكتور تريد اوديها هناك تعرف شكو هناك،، سيادة الضابط، اني سويت واجبي ،بس المريضة بعد ساعات تصحى وتدخل بنوبة هستيرية عمود تاخذ جرعة ، وانت سيد العارفين المدمنين شيسووون،،، تركني الضابط بصدمة،، مااكدر اتخيل رباب مدمنة شنو،،الي وصلها لها لطريق اكيد مو بمزاجهة عفت شرطة واگفين ورحت للمركز نكمل اجراات التحقيق،،، وكلي نار مشتعلة ، عااادل،،،عااادل،،، جيبلي المتهمين جبناهم اليوم،،، حاضر سيدي ،،، ظليت رايح راجع اريد استوعب اسيطر على اعصابي،، مدا اگدر،، عادل،،سيدي هياتهم،،،، گعدت،، بين المتهمين واحد اعرفة صورتة ذيچ السنين كلهة مافارقت خيالي تقدمت خطوات الة، صاح الملازم علي، گول اسمك لسيادة الضابط، وگفت بوجهة ،،، اكتب يمك، وليد كمال محمد العمر 45 ضابط سابق بالداخلية،، تعرفة سيدي،،، عز المعرفة،،، بيناتنة عيش وملح،،،وملح زايد هم،،، رائد،،، اي رائد،،،شفت الدنيا جكد صغيرة،،، وليد:هو هذاالوكت صار لاامثالك،،، ضربة عريف سلطان،،احترم ولك،،، رائد:لا عيب عليك، مهمة يكون چان منتسب ويامة مرو من جوا ايدة ناس ومتهمين،،، اكيد ماانظلم واحد من جوا ايدك،،، مو تمام،،، تمام،،، وليد:بس الحشرات الي ينطخون بااعراض العالم ادعسهم برجلية،،، عريف سلطان:احترم نفسك لو اشبعك دفرات هنا،،،، لاعيب ،،عيب عليك سلطان رجال چبير، احچي ولك،،،شسويتو برباب،،، شسويت بيهة دتوصل للوصلتلة،،، مالك دخل بااختي،،، اختي مريضة،، مريضة،،شنو مرضها ،،،الادمان،، گتلك هذا شآن خاص احنة اهلها ومالك حق تعتقلنا ، بنتنا وبيتنا وحبسناها حرصا على سلامتها، لو جاي تنتقم،،، رائد:اني اعلمك الانتقام ياكلب،،، اذاا مااخليك تخيس بالسجن مااطلع رائد،،، ملازم عادل،،، اكتب عندك،، تمت مداهمة الدار المذكور انفا بالمنصور اكتب دار ومحلة وزقاق، وعند الدخول تم العثور على اسلحة خفيفة ، وعتاد رشاش ، وعبوات ،،، وليد: انت جاي تلفقلي تهمة،،، رائد:هذا لگينا بيتكم،،، حسبي الله ونعم الوكيل عليك،،، حسبي الله ونعم الوكيل عليك،،، عادل:سيدي ،،،تريد آيد هذا بالبلاغ ، بس هو مموجود،، همسلي بصوت ناصي، رائد،، موجود ،اكتب ومعليك،، اني اعلمة هذا ابن،،، اني طالع وراجع،،، حاضرسيدي،،، چانو نسوان بالباب واگفين،، يبچون،، فدوة اروحلك سيدي زوجي مالة ذنب، وخري عن سيادة الضابط ، التحقيق راح يثبت اذا الة ذنب لو لا،، هاي المهنة علمتني القسوة،علمتني مااتاثر بمشاعر الحوالية، شخص مستبد وظالم، الظاهرالوضع يحتاج هيج، لحد هايةاللحظة ذكرتني من جتي امي باست قندرة الضابط عمود اطلع من السجن، لان بذاك الوكت ليطخ حزبي يروح ورا الشمس،،، للحكاية بقية،،،، ?????? بعد السقوط ب2003اصبح العراق ساحة مفتوحةلتجار الم**رات، والارصفة مليانة ادوية م**رة تنباع بدون رقابة ولاسيطرة،،، لاتنسون سمعوني تعليقاتكم وارائكم ولاتنسون التصويت عالبارت فضلا وليس امرا،،،