لأني أحبك

1837 Words

عندما يتكالب عليك الاحباب والاصدقاء ووتشعر انك على وشك السقوط في الهاوية فجآة تمتد يد وسط الظلام وتعلن لك عن امل جديد يكون لك حبل النجاة،،، رائد: فرحت هواي بجية زبيدة اختي الصغيرة ، اول مدخلت تغير البيت وگمت اشوف ابتسامة رباب وحس الدعابة بكلماتها وهي تمازح والدي المريض وترسم البسمة وسط تجاعيدة المرهقة، وگام يسال عليهة ، وتواسي ، خفف على امي الحاح ابوية ، كل شوي صايح امي، نص اجازتي قطعتها سجاد اجة وصالح زبيدة وطلبت منه تبقى عمود رباب، وراها اتفقو سوا هم ياخذون رباب لااربيل، لان مقبلت اروح وياها، حتى ورا محچت وياها زبيدة مصدگت ، وظلت ماخذة موقف مني، بقت النوبات تجيهة ، بس مساعدة امي وزبيدة، بدت تحس محتاجة تطلع من الادمان، رباب:صباح الخير خالة،، ام رائد: هلا يمة صباح الخير والعافية عليج يمة،،، رائد :صباح الخير،، يوووم،، صباح الخير يووومة،،، رباب: رح اداوم،،، اي حبيبتي رايدة شي،،، لا احسن ، حتة نخلص،، باوعت امي بوجهي،، وهزت راسهة،، ابتسمت ،،اي كوكة كلها اربع ساعات واجي مرح تلحگين تشتاقيلي،، رباب:اطمن محد يشتاقلك ،، خالة عمو يريد ريوگ،،،، اي يمة هسة كملت،، رح اخذهة اني،،، يمةعوفيها اني اوديهة،، لا ،خالة اوديها،، رائد :شفت رباب شايلة الصينيةبس ايديهة ترجف وخايفةلاتوگع من ايدهة،، رائد:جيبيهة روحي حطي الطبلة گدام ابوية،،، رباب: ماشي،،، ابو رائد:هاي منو تنازل ودنالنا، سيادة الضابط بشحمة ولحمة هنا،، رائد:يابة غيرمشغولين ،،ومن اجي الگاك نايم مااريد اگعدك،، ابو رائد:بطل سوالف الهتلية، تجي تلگاني گاعد،،، رباب:هههه،، رائد:خو انتي كيفتي ترزلت،،، رباب:مي بارد نزل على گلبي هههه، رائد:طلعت كدامي،،واني بداخلي فرحان بدت رباب ترجع الضحكة الوجهه ،اكثر شي احبه انو رباب ويا ابوية على طول،، وابوية تعلم على وجودهة،، ام رائد:يلة يمة گعدو ، رباب:مگعدت زبيدة؟ ام رائد: لايمة ،،،تتاخر گعدي اكلي،، رائد:رباب، گالتلج زبيدة يوم الاربعاء تطلعون لااربيل،، رباب: اي ادري،،، ام رائد:يمة ،متجيب حسين والله مشتاقتلة،، رائد:رآسا حسيت رباب ارتبكت ،وذبت الاكل باايدهة،، يمة شبساع اشتاگيتلةمصار 10ايام،،، ام رائد:يمة مو هذا وليدك ليش گلبك قاسي هيچ، حسيت رباب ضاجت ضربت الميز وصحت،، يعني شنو يوووم منزقنب لازم اللگمة سم اصير علية،، ام رائد:لايمة لاتزعل بس دا اذكرك،، ميحتاج،،،، قاطعتني رباب ببرود،،، خالة ماكو داعي تحچين ويا رائد لانو اذا نسى احد ينسى بمزاجة مو غصبا عنا،، الله يديم النعمة،، ام رائد: وين يمة مااكلتي شي،، رباب :لا خالة شبعت،، رح اگعد يم عمي شوية لما يطلع رائد،، رح اطلع لعد عمود تاخذين راحتج مضوجج وجودي،،، ماشي ، رح اصعد للغرفة،،، فشلتني ، وهي تعرف لازم اقفل عليهة الباب يوميةلما ارجع ضليت صافن مااعرف شااسوي،،هزيت براسي لاامي،،، بس طلعت رباب،،، رائد:يعني يووم ماصدگت شوي رباب ترتاح ويرجعلها لون وجهه، ليش تذكرين حسين، هسة،، ام رائد: يمة هذا ابنك اليوم ولا باچر رباب لازم تعرف حسين ابنك وحگة عليك،، يمة ادري، بس رباب تتحسس من هالموضوع، يمة تريديني اقنع وحدة رهنت روحهة عشر سنين عمود تحافظ ع وعدهة الي،وتجي تلگاني مزوج وعندي ولد، وعايش حياتي،، يووووم، ام رائد: كافي يمة كافي،اني صوچي غلطانة ومو خوش ادمية اذا فتحت وياك موضوع بعد ،، رائد:يوووووم، مو قصدي،،، ام رائد:قصدك مو قصدك ،،اروح لاابوك احسن،،، رائد:اوووف، ياربي المن ارضي،،، صعدت لگيت رباب گاعدة،،، رباب،،، لاتزعلين مني لان عصبت، بس اني ضجت عمودچ،،، وليش ضوج، رباب،،اني بسببي، الي انتي بي، واحس،، رباب:لاتحس رائد، الي صار مكتوب، واذا حاس روحك ضلمتني، لاتظلم ابنك،، لاتزيد مظاليمك رائد، رائد: ربااااب،،، رائد، عشت طول عمري مدللة ابوية اني وليث ،محسيت يوم الية، شريك،،، ولمن توفت امي ،شفت كره من وليد معرفت افسرة، بس عرفت تفضيل ابويةونسيانة ولدة هو الي خلا يكرهنة، اتمنى ربي يرزقني منچ،، رااائد،،، رباب،، اني تعبت هواي من رحتي عني،،اني تعذبت،، رااائد،، رباب،، لازم سمعيني، والله ماخنتچ،، رااائد ،،من رخصتك ، رباااب،،، مسمعت مني ، فاتت للحمام تنتظرني اطلع،،، رباب،، اني طالع،، اذاتحتاجين شي خابريني،،مرح اقفل الباب ، ديربالج ع روحچ،، فتحت الباب،، هااا، هاچ هذا المفتاح،،، اني ماعندي موبايل، مااعرف استعملة حتى،، خلص من ارجع اجيبلچ واحد،، رباب: راااائد،، ها حبيبتي،، جيب حسين ،ولاتزعل خالة واني مرح انزل ،اصلا تعبانة ورح انام،،، رجعت الها ،،،داعبت خدها، وحبيت طيبتها،،، بس اني اعرف داخلها ضايجةوتعبانة،،، رائد:يوووم ، يوووم،، ام رائد: هااا يمة رح تروح ،، رائد:يوم الاربعاء اجيب حسين لازعلين يمة علية ، الله يرضى عليك يمة وينويلك الي بالك، يارب يايمة يارب،، ارضي علية يوم اني ماشي برضاچ،،، راضية عليك يمة ربي يسهلك ويفتحهة بوجهك ويبعد عنك ولد الحرام،، زبيدة:هاي كل الدعوات لاابنچ شبقيتيلي،،، وانتي معتازة احد يدعيلچ لسانج سيف،، منو يگدرلج ، زين سجاد فقير ، چان گعدتي على گلبي والله، هلو عيني هلو شفتي ماما شون يحچي،، كافي لاضوجين اخوچ، رووح يمة توكل،، زبيدة:ظل مدلل امك انت،،، موتي بغيرتچ،، اوووف،، مع السلامة، مع السلامة،، زبيدة:شبيچ انتي ورائد من الصبح،، دا احچي ويا عمود حسين،، يو يايمة هسة وكتچ،،تحچين گدام رباب،، شسوي ،گلبي نار على ابن اخوچ،، ماما، ميخالف بس مو گدام رباب،، رباب مو المتعبهة بس الادمان،، هي تعبانة نفسيا،، ومن ذكرين حسين تهيجين مواجعهة،، والله هيچ حچيتهة، بس الظاهر رباب اطته الاوكي، وگال رح اجيب حسييين، يووووم،، شبيچ ، صعد متعصب نزل يگولي تم يمة،، يووووم،، رباب بيا حال دتشتغل چنة وسوالف جناين، ام رائد :هو يحبهة ويسمع كلامها،، زبيدة:اهههووو،المهم وين الريوگ، اتريگ واطلع دوامي،،، يلة امشي،،، رباب:هااا خالة الكل طلع،،، ام رائد :خفت من شفتهة فوگ راسي، مقفل عليهة رائد،، اي يمة طلعو اذا تردين ترتاحين اخذي راحتچ، لا خالة اختنگت جيت اساعدچ،، لا،گعدي حبيبتي،، لا ،خالة خليني اساعدج والتهي، تعاي ثرميلي البصل،، رباب:ايدي ترجف ، مااگدر الزم السچين،، ام رائد:عوفيها يمة اني متعودة وحدي اشتغل،، خالة،رح اغسل الخضرة،، رباب:صار فترة مالازمة شي باايدي،، وايدي بس ترجف،،، بس من دخلت بيت رائد حسيت روحي رجعت ، بس الي متعبني وممخليني ارتاح انو رائد زوج ،وعنده ولد يومية اتلهف لشوفتة اشتم عطرة احس باانفاسه واني اسوي روحي نايمة ويتقرب يبوسني على خدي،،، اني احبه، احبة حيل ، بس اكو حاجز بينا مااگدر انسى ،مااگدر انسى خيانته الي وكانو قاصد اجي واشوفة بهالوضع، وراهة من رجعت بيت اهلي ، واذكر اذية اخوتي الي استلموني مثل الطوبة وابوية يتوسل بيهم، اني تعبانة ومدا اگدر اسيطر ع رغبتي ،بالدوا ، م**ر، اليوم اول يوم ماانقفلت علية باب بس خايفة لا تجيني النوبة ماكو احد بس عمتي وعمي بالبيت،، كل شوية اصعد اقفل ع روحي الباب ،واشوف مااجتني النوبة، وانزل ،اتلهى ويا عمي وسخراتة،، جيبيلي وديلي هاچ اقريلي،، متونسة، حيل،، ام رائد:هاا خالة شبيچ،، رباب:خالة رح اصعد فوكگ،، اي يمة روحي،،، خالة تعالي قفلي علية،، سودة علية يمة ربي يشافيچ،، ادعيلي خالة،،ادعيلي،، ادعي لروحچ يمة،، ان شاء الله،،، رباب ،، اول متجيني النوبة احس روحي اختنگت ووجع راسي فضيع اتمنة لو حتةاضربة بااي شي عمود، ارتاح گلبي ينقبض، واحس نار تشب بجسمي يمكن اخف من الايام القبل، بس بعدني احس محتاجة الجرعة،، طلبت من خالة تقفل علية وظليت الوب واتوجع واروح وارجع ،، الزم يدة الباب ، واريد افتحها،، فتت للحمام غسلت وجهي، ماكو ،،، فتحت الدوش مي بارد ثلج، فتحتة وخليت راسي جوا محسيت روحي الاخربت،،، رائد،، طول الطريق افكر بحچي رباب،، وكل شوي اردد بيني وبين روحي،، ياحبيبتي، ياحبيبتي، اول موصلت للمركز ،سمعت هواي ناس يحچون ،هذا الظابط ظالم والي يوكع باايدة ميرحمة، مااعرف ليش مچنت اسمع هذا الحچي او چان ينحچي ومااحس بي ولا يهمني ويمكن يزيدني غرور وجبروت اليوم ورباب تگلي لاتزيد مظاليمك ،حيل اثرت بية، السلام عليكم،، وعليكم السلام سيدي،، يلة دخلي اول متهم ،،، سيدي، البارحة دخلنا شقة مال طلاب مخبرين عليهم الجوارين، يشوفون بنات وشرب وسوالف م**رة ، واثنين يتعاطون م**رات واحد منهم عمرة 18سنة، وهذا شجابة بنصهم ،، هسة شوف سيدي،، دخلهم،،، دخلو المتهمين ، واكو واحد صغير بالعمر قصير وناعم، اسمك وعمرك وشنو دلاك الدرب الصخام الي انت بي،، چان يحچي، وصوتة ممفهوم دايخ تعبان، اسمي علي حسين محمد عمرك؟ 18سنة انت شدلاك لهالدرب انت اعدادية المفروض،، ابن خالي ، جرني ويا ،،، چان يدرسني ،، ومن شافني تعبان .كالي ابلع من هاي الحباية ورح تخليك سهران طول الليل، ويومية من اجي يقريني ينطيني الحباية، لحد مااجة يوم گمت مااگدر اركز طلبت من عندة الحبة گالي هاي سعرها غالي ، ومتتحصل بسهولة، لهذا گمت اطلب من ابوية، بحجة الدروس وعيب ،وچان ينطيني وهو يزيد السعر ، گمت ادين عمود احصل الحب، وابوية طردني لمن عرف اني بگت گلادة اختي وبعتهة عمود الفلوس انطيها ضياء ، منو ضياء ؟ چذاب سيدي ، ابو طردةواني گلت ابن عمتي الفي بالبيت، وهسة ديشمر علية تهمة،،، چذاب،،چذاب،،، اسكت ولك ،اسكت،، حسيت علي وگع بكمين ابن خاله ،وجرة للطريق واستغلة ،،، حولتهم للقاضي بعد ماضبطنا حبوب م**رة بالشقة وممارسةالدعارة وافلام مصوريهة لطالبات يبتزوهم بيهة، طلاب اكبر واحد بيهم ميتجاوز 22سنة، وشايلين بلاوي ، معقولة مجتمعنا وصل هالمرحلة بعد ماكو امان،،، قبل الحرامي چان يستحي ميبوگ منطقته ، هسة الاذى بكل مكان ،، ومگمنا نميز، اخ او صديق، كلة صار بدون حساب ، ماكو رحمة، بقي علي واخذ الباقين للقاضي،،، سيدي ابو واگف بالباب،، فوتة،،، اول مدخل نزل ع ايدي يبوسهة ،وع رجلي يتوسل اطلع ابنة،،، وتذكرت ابوية لمن انحبست ، ليش اليوم حاس كل شي ثقيل ع گلبي ،هذا حجي رباب،، اثر كلش بية،، رفعت ايد الحجي ،،گومتة من الگاع،، گوم حجي گوم ،،هذا ميستاهل تنزل راسك علمودة،، ابو علي:سيدي، جاهل وضحكو علي،،، رائد: جاهل، حجي كلهة كم سنة ويصير رجال ومسوول عن عائلة انت شون تعوفة يطلع من البيت، وتعرف يمشي بطريق موزين،، سيدي، شسويلة هذا الولد صار على اربع بنات ومدلل، وميطلع ولايطب، واني امنت من گال ابن خالة اني اقري وادير بالي علي، والمرة حمدت باابن اخوها وشجعتني، رائد:وليش دتطردة،من البيت،، من ظيمي يابة ،مخلة شي بالبيت مااخذة وگام يآذي خواتة، واخر شي وصل بي يريد يجر خواتة طريق موزين شتريدني اسويلة، رائد:ياابن الكلب، العفو حجي،، ولك چلب انت ماعندك غيرة ضربتة راجدين، الحجي توسل مااضربة،، **ر خاطري، حجي ،رح اخلي سبيلة بكفالة، بس تاخذة منا لمركز ادمان واذا شفتة مرة ثانية ، قسما بذا ت الله انومة بالسجن، ولو اني ردت احبسه فد اسبوع حاله حال الچلب ،يتعض شوية، يلة كمل اجراات واستلمة من التوقيف، فوتلي القضية الثانية،، سيدي هذولة اثنين لزموهم بفندق بكربلاء ولگفوهم هم وايراني جاي ويا الزوار وويا كمية من الحبوب الم**رة،،، اليوم شسامعين انتو كلة درب الادمان، دتحسسوني ماعايشين بهالبلد،،، سيدي روح محافظات الجنوب وشوف حالات الادمان يشيب شعرك ، كلة من وراا الايرانين ، يدخلون للعراق ، ويجيبون السم وياهم ،، دشدشتوهم شوية ، اي سيدي، خلصونا اريد ارجع للبيت،، خلصنا سيدي ، يجي الظابط الخفر ، وخل يستلم الباقي، خابرت على سعد اخو فاطمة،، الو،،، الووو،،هلو سعد شونك،، شوني ، مع الاسف عليك يالنسيب ، هيچ تسوي ،،، كلة من ورا اختك الله يجازيهة،، اني تحملت ذيج السنين لخاطر الاخوةبينا بس اختك ماخلت للمعروف مكان، عموما اريد الاربعاء الجاية اجي اخذ حسين جيبليا ،امي مشتاگتلة ، اني اجيبة بس انت هم فكر بعاىلتك ،فاطمة بعدها شاريتك، اوكي، يلة عالاربعاء جيبةسعد واشكرك اخوية ، رجعت للبيت فتت هدوء ، سالت امي على رباب،، لعد وين رباب يوووم، فووگ، يوم بغرفتها،، صاعد يووم لعد ، سعد الاربعاء يجيب حسوني،، صدگ، فرحتني يمة ،، يلة صاعد اني،، راااااائد، هااا يمة،، هاك المفتاح،،، يامفتاح يمة،،، مال غرفتك،، ييييمة ليش ؟ مو اني والله رباب هي طلبت مني ،اقفل عليهة،، صدددك، اول مفتحت الباب،، ماكو الهة اثر بس صوت المي مفتوح،،، رباب،،رباب،،، وينچ،، دتغسلين، شفت باب الحمام مفتوح، دفعتةولگيت رباب واگعة والمي مفتوح،، رباب،، رباب،،، يمة ،،، يوووم تعاي، طلعتهة ، من واكعة مضروبة براسهة،،لزمتها الباردة وافلاونزا، ليلتهة ظلت تهلوس طول الليل، حضنتها ، اعرف وجعها كلة بسببي بس حاس روحي مشلول ماعندي قدرة اساعدها، ردت اگوم جرت ايدي،، مااعرف وعيانة او لا، بس سمعتني ، رائد، لاتعوفني ،،،احبك،، للحكاية بقية،،، ?????? لاتنسوني من فضل تعليقاتكم واكيد متابعتكم عالقصة يصعدها فضلاوليس امرا

Free reading for new users

Scan code to download app

App Store Google Play

Facebookexpand_more