[Farrah]
“Sige na, please. Kailangan ko ng lalaking magpapanggap na boyfriend ko.” Pakiusap niya kina Sally at Emily. Kailangan niyang may maipakilala sa Kuya Jestoni niya kahit isang araw lang. Kapag hinanap nito ang ‘nobyo’ niya kuno ay sasabihin na lang niya na naghiwalay na sila.
Idadahilan niya na natakot sa mga ‘to.
“Farrah, hindi mo kailangan maghanap ng magpapanggap na boyfriend mo. All you have to do is ask them to be your boyfriend. I’m sure na magkakandarapa sila sa harapan mo.”
Umiling siya kay Emily. “Hindi boyfriend ang kailangan ko, okay? Pekeng boyfriend lang.” Kailangan niyang makahanap ng pekeng nobyo na hindi mayabang. ‘Yong tipong hindi siya lalandiin sa harap ng Kuya Jack niya.
Maisip palang niya ang posibleng mangyari ay napapangiwi na siya.
“Bakit kasi pekeng
