ALTHEA'S P.O.V
Matapos ang walang patutunguhan na usapan namin ni Alfie ay bumalik ako sa bahay nina Alili para muling ikubli ang anyo. Balik sa dating nerd at old fashion ang looks.
Nagulat naman si Nanay Nelia nang makita na iba na ang suot ko. Pinahiram din sa akin ni Alfie ang kanyang jacket kahit na malamig ang pakikitungo ay may concern naman siya sa akin.
"Thea! Bakit naiba na yata ang suot mo?"
"Naku, si Nanay talaga makalimutin!" natatawa kong tugon.
Gusto ko lang biruin si Nanay kung talaga bang naalala pa niya ang suot ko kanina pag-alis.
"Huh, ang alam ko ay dress ang suot mo kanina at hindi 'yan!" paniniguro pa ni Nanay.
Mataman pa niyang inuusisa ang suot ko at hindi makapaniwalang nagbago bigla ang suot ko.
"Ikaw talagang bata ka ako ba' y pinagloloko mo!" a
