WALANG kaimik-imik si Lianne habang nasa kotse sila. Sa backseat siya nakaupo habang nasa unahan naman sina Xander at Desiree. Tahimik lang siyang nakikinig sa usapan ng mga ito. Nagkukuwento si Desiree tungkol sa trabaho nito; isa pala talaga itong modelo kaya todo poise at may finesse kung kumilos.
Mag-bestfriend daw ang dalawa, ayon kay Xander, pero hindi siya kumbinsido roon. Kanina pa niya pinagmamasdan ang kilos ng babae, at halatang-halata niya ang malalagkit na tingin nito kay Xander. Hindi niya maintindihan kung bakit mabigat ang loob niya kay Desiree. Hindi niya magawang pigilan ang pagtikwas ng kilay niya habang ibinibida nito ang naging show nito sa New York.
“May mga bisita ba kayo?” tanong ni Desiree nang pumasok sila sa gate ng mansiyon.
Pairap na binawi niya ang tingin s
