NILINGON ni Xander si Lianne na nakaupo sa backseat ng kotse. Kanina pa ito walang kaimik-imik mula nang dumating sila dito sa Cebu. Ang katiwala ng resthouse ng mga Javier na si Mang Ambo ang sumundo sa kanila sa airport. Ideya niya na sa resthouse na lang sila tumuloy sa halip na sa hotel na pagdadausan din ng convention.
May resthouse ang mga Javier sa Cebu. Dati ay madalas silang nagpupunta roon nina Lianne para magbakasyon. Paboritong lugar kasi iyon ng mga magulang ng dalaga dahil doon unang nagkakilala ang mga ito. Binili ni Tito Felipe ang resthouse para sa ina ni Lianne. Pero mula nang maghiwalay ang mag-asawa ay hindi na pumupunta roon si Tito Felipe. Kapag nagpupunta ito ng Cebu ay sa hotel na lang ito tumutuloy.
"Ano ba 'yang iniisip mo?" tanong niya kay Lianne.
Parang natau
