البارت 14
2328 Words
الايام بتمر و الحال هدئ مفيش اي احداث جديده
بس رنا قربت اكتر من مروان و. سيطرت علي تفكيره و بقت هي الملجئ ليه دايما و حس انها عوض عن رنا و قرر انه يتجوزها
مروان راح مكتبه ذي كل يوم و طلب رنا و جاتله.
رنا ببتسامه ... اي في حاجه
مروان : اقعدي
رنا قعدت و بصتله باستغراب .... في ايه
مروان قام من علي مكتبه و قعد علي كرسي مقابل ليها واخد نفس طويل و تخيل رنا حبيبته قصاده .... تتجوزيني يا رنا
رنا بصتله بزهول و ضحكت بعدم تصديق ... ااانت بتقول ايه ااانت عايز تتجوزني انا
مروان ابتسم و هز راسه باه
رنا بتوتر : ااذاي ططيب و مراتك
مروان اتن*د ... هو الاول هيكون في سر مابينا لحد ما ارتب اموري و بعد كدا انا هعلن و اقول للكل
رنا بصتله بصدمه .... نعم
مروان : دا مؤقتا بس مش اكتر و اطمني جوزنا هيكون عند ماذون و حقوقك هتاخديها كامله و كل حاجه هتمشي طبيعي هو انا هاخر اعلان الخبر بس مش اكتر
رنا بصتله بتوتر
مروان مسك ايديها .... ماتخفيش مش انتي بتثقي فيا
رنا هزت راسها باه
مروان : افهم من كدا انك موافقه
رنا ابتسمت بخجل و ماتكلمتش
مروان ضحك بفرحه .... طيب اعملي حسابك ساعتين و هنتحرك
رنا باستغراب .... علي فين
مروان : هتعرفي وقتها يالا
رنا. خرجت و قعدت علي مكتبها و ضحكت بانتصار ان هدفها اتحقق و بصت للفراغ.... والله و الدنيا هتضحكلك. يا بت يا رنا و هتشوفي اللي عمرك ماشوفتيه و هتبقي ولا ولاد ذوات وضحكت بسعاده
الوقت مر و مروان خرج.... تعالي يالا
رنا : علي فين
مروان مسك ايديها و خرج و اما وصل للمكان اللي في الموظفين بعد عنها و سابقها بكام خطوه و خرجو من. شركه سوا و ركبو العربيه
رنا : احنا رايحين فين
مروان : دقايق و هتعرفي كل حاجه
رنا ضحكت بحماس و نفسها تعرف مروان مرتب لايه و بعد دقايق كان وقف قصاد عماره
مروان : انزلي
رنا نزلت و هي بتتلفت حوالين نفسها و مروان اخدها و دخل العماره و دخلو الاسانسير
رنا : احنا رايحين فين
مروان ببتسامه ... شقتنا
رنا برقت بزهول .... ايه
مروان ضحك لصدمتها و اخدها و خرجو و راحو ناحيه شقه و فتح الباب و دخلو و رنا انبهرت بجمال شقه
مروان : ايه رايك
رنا : حلووه اووي اووي هو في بجد جمال كدا
مروان: انتي اللي جميله
رنا : انت لحقت عملت دا كله امتي
مروان ابتسم : من كام يوم اشتريتها و فرشتها
رنا بصتله باستغراب.... كنت واثق للدرجه دي اني هوافق
مروان: طبعا تعالي اف*جك. علي شقه و اخدها و ف*جها علي كل اوض الشقه و جت عند اوضه النوم كان في. شنطه علي سرير
رنا باستغراب.... اي دا
مروان راح و طلع فستان ابيض بسيط بس شكله كان حلو اوووي
رنا باعجاب.... حلو اوووي
مروان: قولت ما ينفعش احرمك من الفرحه كلها و علي اقل اجبلك. فستان ابيض اجهزي هقبال الماذون مايجي. انا مستنيكي باره
رنا بفرحه : ماشي
مروان خرج و رنا مسكت الفستان و حطتها علي جسمها ووقفت قصاد المرايه و بقت تلف في الاوضه بسعاده..... ياااااالهووووي انا هعيش هنااا يالهوي وهتحلو يا بت يا رنا و راحت لبست بسرعه.
مروان قعد علي كنبه و غمض عينه و تخيل رنا حبيبته هي اللي هتكون فيه و مجرد الاحساس خلي قلبه يدق جامد و فاق من ذكرياته علي صوت رنا
رنا: مرووان
مروان فتح عينه بس عقله لسه مش حاضر و تخيل رنا هي اللي قدامه و واقفه ليه و هي مبتسمه و لبسه فستان ابيض قرب منها بخطوط بطيئه و نبضات قلبه صوتها عالي اووي و بدون وعي شدها و دخلها جوه حضنه و كان بيضغط عليها جامد و فاق من بحر زكرياته علي صوت جرس الباب و بعد عن رنا و بصلها باستغراب هي اتغيرت امتي و راح فتح للماذون و الشهود و دخلو كتبو الكتاب و بعد كدا مشيو و مروان دخل الاوضه لرنا كانت واقفه متوتره جيه حضانها من ضهرها .... مب**ك عليا انتي
رنا ضحكت... اذاي
مروان بصلها في المرايه و نظراته كانت غريبه رنا مافهمتش قصده ايه
الايام بتمر و مروان طول الوقت مع رنا مش بيرجع البيت غير ساعات قليله و غيابه دا قلق هيا
رنا : مرواني
مروان : بلاشش الاسم دا مش بحبه
رنا ضحكت : ليا مراتك بتقوله ليك
مروان : عايزه ايه يا رنا انجزي
رنا : انت معملتش فرح واتا كان نفسي ابقي عروسه طيب علي اقل نسافر شهر عسل
مروان : حاضر ياستي انتي تاموري هحجزلك و نسافر بالي بس يومين كدا ارتب اموري
رنا : اي بالي دا
مروان ضحك : بالي دي جزيره في اندونسيا
رنا : باره مصر يعني هنركب طياره
مروان : ايوه
رنا بحماس : الله انا طول عمري باتمني اركب طياره انا متحمسه اووي
مروان ابتسم... انا هقوم البس بقي عشان عندي معاد باااي
وليد قاعد مع ابوه واخوه وامه و نزلت رنا تجريو ومي كمان
رنا : مساء الخير
مي : اذيكم
رجاء : مساء النور يا ريري اهلا يا مي
مي بصتلها باحراج و سكتت
وليد : خير نازلين تجرو كدا ليه
مي : عامله ليكم مفجاه
رنا ضحكت : وانا كمان
كريم : امممم خير يا مفجائتكم انتم الاثنين
رجاء : قولي يا ريري انتي الاول
رنا قامت وقفت و اتكلمت بمرح.... احمممم رنا صواف تقدم لحضارتكم خبر الموسم
كلهم ضحكو علي طريقتها
وليد : خيرررر
رنا : طبعا احنا اخدنا اجازه الصيف و طبعا كله قاعد زهقان و ق*فان وانا ايه بقي قعدت اتدور علي حاجه حلوه و كمان يكون وهم وكملت كلامها بحماس لحد مالقيته معلش ياجماعه علي حماس دا بس حاسه اني عملت انجاز ياجماعه
رجاء ضحكت : فين يا ريري
را رفعت ايديها لفوق بحماس.... باااااالي
الكل اندهش و رجاء انبهرت
رجاء : ووواو يا ريري انا نفسي اروح اووي انا موافقه هنسافر امتي
نبيل ضحك : اهدي يا رجاء نرتب امورنا الاول هنا في شغل لينا كلنا ماينفعش نسافر مره واحده كدا
رنا : احممم انا حجزت في فندق هناك علي بحر علي طول بس عباره عن فلل ورحله بعد اربع ايام بالظبط يكون كله رتب اموره صح
وليد : لاوالله
رنا : ايوه المكان اهو بوصو وورتهم المكان و كل انبهر بجمال المنظر
كريم : الله علي اختيارتك يا رنا حقيقي المكان وهم
رنا: طبعا مش انا اللي اختارته لازم يكون حلو
وليد: ماشي ياعم الواثق انا هرتب و احجز التزاكر لينا كلنا
رنا ضحكت و بصت لنبيل.... و معروفه مين اللي هيدفع تمن الاقامه
نبيل : مين
رنا : حضرتك طبعا هي محتاجه
نبيل : اممممم واليوم بكام بقي هناك
رنا : انا حجزت هناك اسبوع بس و اليوم با1000دولار بس
نبيل : شيل مراتك من قدامي يا وليد بدل ما ارميهالك من هنا
رنا : 700ينفعو طيب
نبيل : قومي. يا رنا
رنا : اكتر من كدا الطلعه دي مش هتكون جايبه همها
نبيل: لا ياشيخه. ما تشوف مراتك ياعم بدل مانت عمال تضحك
وليد باصص ليه و بيضحك و مش بيكلم
رجاء : و مالو يا نبيل تصرف كام الف عشان نتفسح و نتبسط
نبيل : كام الف ايه انتي كمان دا ليله الوحده بس ب15الف جنيه احنا هنهزر و يتري الكارثه دي للفرد
رنا: لا طبعا يا عمو الشاليه كله انا باردو يرضيني تدفع لكل واحد فينا 1000دولا
نبيل : شكرا لكرم اخلاقك بس مين قالك اني هدفع اصلا
رنا: خلاص خليها عليا انا 500دولار بس والله خ**ت ليك النص اهو.
نبيل: امال اي 1000دي
رنا: انا كنت عامله حساب الخروجات كل يوم
نبيل عمل نفسه بيقوم عشان يض*بها و رنا ضحكت و استخبت و را مي
مي بصتلها و سابتهم و طلعت و محدش. لاحظ انها مشيت و كملو هزار و الولاد جم. و كملو هزار
رنا لاحظت ان مي مش موجوده طلعت ليها كانت قاعده علي سرير و سانده دماغها علي رجليها و باصه للفراغ
رنا : اي مايوشه طلعتي ليه و قعدتي لوحدك كدا ليه
مي بصتلها و مش ردت عليها
رنا: مي انتي مش بتردي ليه انتي زعلانه مني
مي اتن*دت.... مش عارفه اذا كنت زعلانه منك و لا من نفسي و لا منهم
رنا بصتلها باستغراب.... في ايه يا حبيبتي مالك
مي: في ايه في اني مهمشه يا رنا مش موجوده اصلاا محدش بيحس بيا ولا بوجودي كاني هوا
رنا بصتلها باستغراب
مي: ماتستغربيش يا رنا انا بحاول من يوم ماجيت هنا اني اخد مكان في قلب طنط رجاء بس هي رافضه مش راضيه تديني فرصه كل مره بتقابلني بالصد ع** معاملتها معاكي بتحبك. و بتاخدك في كل مكان و تتباهيي بيكي اوقات كتير بضايق منك و منها مش عارفه هي ليه كرهاني ليه يا رنا انا اذيتها في ايه و بصتلها و عيطت انا مش عايزة اكرهك يا رنا مش عايزه بس انا بغير من حبها و اهتمامها بيكي و انا مش عارفه اعمل ايه
رنا حضانتها و تطبطبت عليها.... و شايله كل دا لوحدك ليه يا مي
مي: عشان انا مش عارفه المشكله فين
رنا ابتسمت.... انا هد*كي الحل فين التاب بتاعك
مي بصتلها باستغراب.... انا بقولك ايه و انتي بتقولي ايه
رنا: هو دا الموضوع هاتي بس
مي ادته لرنا و رنا اخدته منها و كتبت حاجه عليه فتح ليها موقع .... اتفضلي
مي بتعجب : اي دا
رنا: احنا مسافرين و اكيد هي حاليا بتحاول تجيب هدوم جديده الموقع دا انا اكتشفته بالصدفه و كنت هوريه ليها روحي قولي ليها انك لقتيه و شوفتي في لبس حلو و حاولي تختار نفس الاستايل بتاعها بس باشكال مختلفه
مي: بس انا خايفه من رده فعلها
رنا: ماتخفيشهي نقطه ضعفها الشوبينج يالا روحي
رنا و مي خرجو
مي راحت لرجاء كانت قاعده بتقرا في مجله... طنط
رجاء بعدم اهتمام.... اممممم
مي قعدت جنبها.... انا عارف انك. بتحبي اللبس وانا شوفت موقع حلو اووي عليه لبس يجنن بوصي كدا
رجاء بصالها بعدم اهتمام..... مش عايزه
مي: طيب بوصي الدريس دا نفس الاستايل بتاعك هيكون تحفه عليكي انا اول ماشوفته شوفتك بيه و تلبسي. معاه ال*قد الالماظ هيبقي يجنن
رجاء بصتلها باعجاب لانه عجبها و ابتدت مي تقول ليها افكر كتير و رجاء اندمجت معاها و دا فرح مي اووي
رنا كانت واقفه تبوص عليهم من بعيد و تبتسم
كريم: شكرا يا رنا
رنا انتبهت ليه.... علي ايه
كريم: انتي لولا اللي عملتيه دا كانو مستحيل يجتمعو كدا
رنا ابتسمت.... مي طيبه و كل بيحبها بس اسلوبها دا مش عاجب طنط ف انا خليتها تدخل ليها من مكان اللي هي بتحبه
كريم ابتسم.... شكرا بجد يا رنا
رنا: انا هروح اشوف الاولاد بقي
رنا في كليه في مكتبها وسمعت خبط علي باب
رنا: ادخل
عز دخل ... صباح الخير
رنا رفعت وشها و بصتله.... افندم
عز: في ايه انا جاي ليكي في شغل
رنا: اعتقد في مكتب نتكلم فيه
عز: انا عارف دا كويس بس الموضوع دا جيه بسرعه في شركه عرضت علي باابا منتجات و احنا اول مره نتعامل معاها بس ليهم اسم و بابا حابب يستغل الثفقه دي و يتمها بكرا
رنا: وانا مطلوب مني ايه
عز: تقري الورق يا دكتور
رنا: و هو فين الورق دا
عز: بكرا هيكون عندك.
رنا: بكرا اللي هو اذاي
عز: في كام. نقطه محتاجين يخلصو و هجبلك الورق جاهز و ياريت لو تحضري الاجتماع
رنا: تمام
عز: الاجتماع هيكون في مطعم الماسه و انا هقابل حضرتك قبل المعاد بساعه عشان نتناقش في البنود
رنا: اوكاي
عز ابتسم و خرج
رنا تابعته باستغراب طلع ع** ماتوقعته خالص رغم صغر سنه ف انه فاهم شغله كويس و حريص عليه جدا
صباح يوم. جديد
رنا خلصت شغلها في كليه و طلعت علي مكتب تكمل شغلها و قبل معادها راحت تقول لوليد كان عنده اجتماع ف مشيت و راحت علي مكان اللي عز قالها عليه و كان واقف منتظره و اول ماشافها بصلها باعجاب
عز: مواعيدك مظبوطه
رنا: اكيد
عز: اتفضلي
رنا و عز دخلو المطعم و قعدو في تربيزه اللي حاجزها عز وبعد ثواني جيه الويتر
عز: تاكلي ايه
رنا بصتله و رفعت حاجبها.... نعم
عز: بلاش اكل علي اقل اشربي حاجه.
رنا: اسبريسو
عز: وانا واحد قهوه مظبوط
الويتر مشي
عز: انتي استغربتي كدا ليه انتي جايه من شغل و طبيعي جعانه
رنا: شكرا فين ال*قود
عز: اتفضلي
رنا مسكت الورق و قراته بتركيز شديد عشان تفهم كل البنود الي فيه و قعدت بعد كدا تتناقش مع عز فيها و رغم. فرحته انه بيكلم معاها بس في لاحظات كان الاعجاب دا اتركن و اندمج معاها في شغل و بعد مده موبايل رنا رن ف قامت عشان ترد علي وليد
رنا: اي يا حبيبي
وليد: السكرتير قالي انك عيزاني
رنا: اه كنت جايه اقولك اني راحيه الاجتماع اللي قولتلك عليه
وليد: ماشي يا حبيبي خلي بالك من نفسك
رنا : حاضر هخلص و اسباقك علي بيت
وليد: تمام
رنا قفلت و رجعت تاني كان فوزي جيه و معاه شخص يس كان مديها ضهرو
عز: الدكتوره جت اهيه
رنا بتقعد... اسف جدا علي تاخير و شافت مروان قصادها بصتله باستغراب ع** ان هو فرح بوجودها
عز: نبتدي الشغل
مروان: اكيد اتفضل
عز كان بيكلم في البنود اللي وضحتها ليه رنا و فوزي و كانو كلهم بيتناقشو و مروان بيخ*ف نظرات لرنا من غير ماحد يلاحظ بس عز لاحظ دا واضايق من مروان
و بعد مده الاجتماع كان خلص و كلهم قامو وكل واحد راح ناحيه عربيته
رنا جت تركب بس شافت العجله نايمه
رنا: اووووف انتي اي اللي نيمك دلوقتي هو دا وقتك
عز: في حاجه يا دكتوره
رنا: العجله نامت مفيش هنا اي ميكانيكي
عز لف حوالين نفسه.... تقريبا لا طيب تعالي اوصلك
رنا: لا شكرا انا هاخد تا**ي او اطلب اوبر
عز: لا طبعا اتفضلي انا هوصلك
مروان شاف رنا واقفه مع عز ف نزل من العربيه و راح ليهم..... في حاجه
رنا: لا العجله نامت
مروان بص لعز.... طيب تعالي عشان اوصلك
رنا: لا شكرا انا هاخد تا**ي
مروان: مفيش ت**ي. بيعدي من هنا انا هوصلك يالا اقفلي عربيتك و تعالي
رنا هزت راسها و قفلت العربيه ومشيت معاه و عز واقف متغاظ
رنا و مروان اتحركو و طول. طريق كانو ساكتين لحد ماوصلو رنا نزلت..شكرا
مروان: العفو وابتسم ليها و مشي
في احدي المكان الخاليه من الناس و شكلها مهجور
معتز: انت جايبنا هنا ليه ياعم
عز: هتعرف دلوقتي
ودقايق و كان جيه شخص
عز: جيت في معادك انت عارف انت هتعمل ايه
الشخص: ايوه هو مسافر بكرا و دي هتكون فرصتي
عز: تمام دا نص المبلغ و اما تجبلي الورق هد*ك الباقي
الشخص: اومرك يا باشا
شخص مشي و معتز باصص باستغراب... هو مش دا سكرتير دكتور وليد ولاانا بيتهقلي
عز: لا هو
معتز: انت ناوي علي ايه يا عز
معتز: هتعرف بعدين اركب
استووووووب
- Writer
