العشق الابدي

البارت 2

رنا واقفه مع اهلها و الكل حواليها بيباركو ليها وجيه شاب من الامن معاه بوكيه الورد واده لرنا

رنا بصت للورد باعجاب لانه كان ذي ماهي بتحب.... الله حلو اوي وبصت لوليد

وليد باستغراب.... مين بعت الورد دا مؤمن

مؤمن: في شخص كان واقف هناك هو اللي ادهاولي و شاور و رنا و وليد باصو كان مفيش حد واقف

مروان استخبي اما حس ان وليد بيسال عنه

رنا بصت في البوكيه وكان عاجبها اووي

وليد بضيق: هو انتي مالك فرحانه كدا ليه هو عحبك اووي كدا

رنا بفرحه: اوي ياوليد انا بحب الورد الأحمر اووي وبحب زهره الشمس و اما يكونو سوا بيكون اجمل منظر

وليد اضايق منها و سابها و مشي راح يقف مع ناس زمايله و رنا بصاله باستغراب و بصت علي ورد بفرحه و دورت عشان تشوف مين اللي بعته ليها وشافت كلام اللي كاتبه مروان و فضلت باصه ليه و هي مش بتتحرك و مش باين عليها اي تعبير وهي متحاصره مابين وليد و مروان منتظرين رده فعلها

رنا قرائت كلام. و عرفت انه مروان هو اللي باعت الكلام ف اتن*دت و بصت للفراغ بشرود

مروان تابعها ببتسامه و تغير ملامحها اكدت ليه انها عرفته و مشي

هيا كانت غضبها مايتوصفش بس المره دي غضبها كله من. مروان لان رنا في حياتها و لاحظت دا انها مش في دماغها مروان اصلا

الوقت مر وكل واحد راح علي بيته

مروان قاعد علي كرسي و ماسك الورق في ايده و بيقراه و رناواقفه قصاد المرايه بتسرح شعرها و بتبصله بتوتر وراحت قعدت جنبه بقلق.... احمممم ليد

وليد و هو علي نفس وضعه..... امممم

رنا: عايزه اتكلم معاك

وليد باقتضاب: بعدين يارنا انا مشغول دلوقتي

رنا شدت الورق من ايده و وليد اضايق من حركتها

وليد بانفعال.... اي اللي انتي عملتيه دا

رنا: انا قولتلك عايزه اكلم معاك

وليد بحده : و انا قولت زفت بعدين و شد الورق منها و مسكه عشان يقراه

و رنا بصتله بحزن و وطت في الارض بالاحراج

وليد بصلها و شكلها كان ذي الاطفال ف ضحك خط الورق جنبه و شدها عليها وحاوطها بايده..... عايزه تتكلمي في ايه

رنا بصتله بغضب طفولي محبب لقلبه.... انت زعلان مني ليه انا معملتش حاجه

وليد: انا مش زعلان انا بس مشغول مش اكتر انتي عايزه ايه

رنا: خلاص

وليد ضغط علي رقبتها و هو بيضحك....مش هتحايل عليكي كتير علي فكره في ايه

رنا بعدت عنه وربعت رجليها و بصتله بحزر.... انت شاكل مش رايق نتكلم بعدين

وليد بشك.... هو في حاجه يا رنا

رنا: اايوه بس بعدين

وليد قلق.... في ايه اتكلمي حصلت حاجه انهارده في الحفله

رنا هزت راسها ووطت راسها وشعرها نزل علي وشها وهي فضلت موطيه لثواني

وليد بصلها بشك ورفع راسها و بصلها واتكلم بحزر .... في ايه انتي مش بتعملي الحركه دي غير و انتي متوتره وعايزه تستخبي مني في ايه يا رنا

رنا رجعت شعرها لورا وعنيها موطيها وبتفرك في ايديها و بعد كدا قامت وققت و بقت تتحرك قصاد وليد و هو متابعها و مستغرب توترتها دا

رنا: ااانا مش عارفه انا صح واللي بقوله دا صح ولالا بس انا. صح

وليد بصلها بعدم فهم و ماتكلمش و سايبها تتكلم ذي ماتحب

رنا بتوتر و خوف من رده فعل وليد.... شوفت بوكيه. الورد اللي جيه وانت واقف معايا

وليد: اايوه

رنا وطت راسها واتكلمت بخوف.... منن مروان انا اسفه والله بس انا ماليش زنب انا معرفش انه منه صدقني انا اسفه

وليد ابتسم وقام وقف قصادها وحضن وجهها بين ايديه.... انتي متوتره كدا ليه

رنا: انت مش زعلان

وليد اتن*د : لا يا رنا انا احترمتك اكتر و احترمت صراحتك معايا

رنا: انا معرفش هو عرف منين ولا اعرف هو عمل كدا ليه ولا ايه اللي فكره

وليد: ذي مانتي لسه فاكره كل كلمه هو قلهالك

رنا بصتله و اتوترت.... انا

وليد: ماتبرريرش حاجه يا رنا روحي نامي عشان كان يوم طويل عليكي انهارده

رنا بصتله..... صدقني انا نسيته و بحبك. انت و اللي فات كله انتهي صدقني انا مش بكدب عليك

وليد هز راسه وراح للورق اخده.... انا نازل اقعد في المكتب تحت عشان تعرفي تنامي و سابها و خرج

رنا كانت مضايقه ان وليد زعل منها وبصت للورد بغيظ وقانت رامته في زباله

مروان لف شويه بالعربيه و افتكر شكل رنا و هي واقفه و كل بيحيها ونظراتها هي و وليد لبعض و وقف قصاد بيته وسند علي مسند الكرسي و اتكلم بحزن.... انا خسرت كل حاجه. خسرتك يارنا خسرت حبك ليا و عايش ميت مع واحده مش عارف احبها انا بموت في كل لحظه بعيد عنك و انتي عايشه حياتك ااااه يا رنا لو تعرفي انا بتمني ارجعلك اد ايه بتمني نظره واحده منك نظره يكون كلها حب ذي زمان

مروان نزل و قفل العربيه بتاعته وطلع البيت كان كله ضلمه دخل الاوضه كانت ضلمه اعتقد ان هيا نامت بيتلفت هيا كانت ولعت النور و بصاله

مروان ماهتمش بوجودها وراح عشان يغير هدومه بس هيا وقفت قصاده.... اتاخرت ليه

مروان: عادي

هيا: انت شايف انه عادي و بصتله بتهكم الحفله خلصت الساعه 10 كنت فين. كل دا

مروان رفع حاجبه باستغراب..... حفله ايه

هيا: مناقشه الدكتوراه بتاعت رنا انت مش كنت موجود معاها

مروان بصلها بزهول.... انتي بترقبيني يا هيا

هيا: انت دا كل اللي همك كل اللي بتفكر فيه اني براقبك لكن اللي انت بتعمله دا عادي

مروان: انا عملت ايه

هيا: انت بتسال عملت ايه اللي وداك عندها انت لسه بتفكر فيها يامروان

مروان مردش عليها و مشي و هيا وقفته رد عليا انت لسه بتحبها واتكلمت وهي بتصرخ رد عليا

مروان بانفجار..... ايوووه يا هيا لسه بحبها ومحبتش حد غيرها يا هيا ارتحتي كدا

هيا غمضت عنيها بوجع..... طيب و انا يا مروان

مروان: انتي غلطتي الوحيده انتي لعنه دخلت حياتي دمرتها يارتني ماكنت قابلتك ولا عرفتك

هيا بصاله بزهول.... اااانا لللعنه يامروان انا

مروان: ايوه انتي مستغربه كدا ليه انتي بسببك خسرت كل حاجه وخسرتيني اهم حاجه في حياتي و كل لحظه بندم اني سيبتها

هيا بانهيار: ندمان عليها بعد ماخنتك انت نسيت هي عملت فيك ايه نسيت اللي حصل و انا محافظه عليك

مروان مسكها من ايديها واتكلم بغضب.... انتي لو جبتي سيرتها تاني ماتلوميش غير نفسك و الغلطه كانت غلطتي اني مشيت ورا كلامك و كدبت نفسي و كدبت البنت اللي انا مربيها علي ايدي كان المفروض اكدبك و مصدقش اللي حصل بس انا كنت غ*ي و انا دلوقتي بدفع تمن غبائي و انا بحزرك يا هيا اول و اخر مره تجيبي سيره رنا و زقها وقعها في الارض وخرج وهو مضايق و هيا قعدت مكانها تعيط وكلام. مروان بيتعاد في ودنها و غضبها مايتوصفش كلام مروان جرحها جداا

مروان خرج من البيت و كان مضايق فضل يلف بالعربية بدون هدف و بعد كدا رجع البيت كانت بنته قاعده علي سلم وضامه رجليها بخوف.

مروان راح ليها و هو مستغرب.... سجي حبيبتي انتي قاعده كدا ليه

سجي اتخضت اول مروان مالمسها و عيطت

مروان ملس علي شعرها.... اهدي ياحبيبتي انا بابا اهدي في اي ياحبيبتي وقعد جنبها

سجي حضانته.... انا خايفه اوي يا بابي

مروان بقلق.... في ايه طيب اهدى انا جنبك

سجي:حلم وحش انا خايفه اوى

مروان:ماتخفيش ياحبيبتي دا حلم ماتخفيش

سجي:خليك معايا ماتسبنيش ذي مامي

مروان بتعجب: ماما ؟!

سجي هزت راسها.... انا روحت ليها زعقتلي و انا خايفه ادخل الاوضه

مروان شالها.... طيب تعالي ننزل نعمل عصير و ننام سوا ايه رايك

سجي بفرحه... بجد

مروان: جد جداا واخدها ونزل المطبخ و قعدها علي تربيزه المطبخ..... تشربي ايه بقي

سجي: Strawberry juice

مروان ضحك.... المدارس اللي امك مدخالكم فيها دي يالا

وراح وقف قصاد تلاجه وطلع العصير وصبه ليها.... اخلي عصير فراوله في دنيا

سجي كانت بصاله وكانت فرحانه اول مره مروان يعملها كدا ويفضل معاها هي لوحدها

مروان كان بيهزر مع بنته عشان ينسيها الحلم و بعد مده اخدها و طلع اوضتهم و اخدها في حضنه و نام

صباح يوم جديد

رنا صحيت كان وليد نايم جنبها بصتله و ملست علي شعره.... انا بحبك. اووي صدقني انت كل حاجه بالنسبالي و مهما اوصف ليك انا بحبك اد ايه انت مش هتصدق انا معرفش انت زعلت ليه بس انا حابه اني ماخبيش عليك انت فاهمني وباسته من خده و قامت دخلت الحمام و وليد فتح عنيه وابتسم و اتنهد.... وانا كمان بحبك. يارنا بس خايف خوفي مش قادر اسيطر عليه مش قادر اشيل من دمافي انك ممكن تروحي ليه خايف يكون لسه في قلبك

وبعد وقت رنا خرجت وراحت ليه.... صباح الخير

وليد: صباح النور

رنا: انا بفكر اخد الولاد و نخرج

وليد هز راسه و ماتكلمش

رنا: اي رايك

وليد؛ ماشي براحتك

رنا: انت زعلان مني طيب انا عملت ايه عشان تفضل زعلان مني كدا انا غلطت في ايه

وليد: مفيش حاجه يا رنا

رنا: طيب هتيجي معايا

وليد بصلها و ماردش

رنا: يبقي هتيجي انا هقوم اقول للاولاد

وليد: انا ماقولتش اني هاجي

رنا راحت قعدت علي رجله ولفت ايديها حوالين رقبته... انا اسفه

وليد: انتي بتعتزري ليه انتي شايفه نفسك غلطتي في حاجه

رنا بصتله وماتكلمتش بس قربت منه وباسته في خده.... اسفه

وليد بصلها وماردش

رنا باسته في خده تاني

وليد بتمثيل: لسه زعلان لا

رنا جت تبوسه من خده وليد بعد عنها.... هو انتي بتصالحي ابن اختك.

رنا ضحكت..... اعمل ايه طيب

وليد قربها منه وحاوطها بايديه ولسه هيتكلم كان الباب بيخبط

رنا بصتله وضحكت.... ادخلي ياملك و قامت من علي رجل وليد وقعدت جنبه علي سرير

ملك دخلت وراحت ليهم

ملك: صباح الخيرر

وليد مسكها من هدومها..... خيرررر

ملك: بصبح عليك يابابي مش انت اجازه انهارده

وليد قام ورفعها لفوق.... ومدام انتيي عارفه اني اجازه بتخبطي ليييه

ملك. بصتله بخوف.... هو في ايه انا عملت ايه

رنا واقفه تضحك.

وليد: اضحكي ياختي

رنا: تعالي ياملوكه عشان تجهزي عشان نخرج سوا يالا

رنا جت تاخد رنا وليد رفعها هي كمان لفوق وبقو الاتنين طايرين لفوق

رنا بتضحك بصوت عالي.... ياوليد انت اتجننت انت اي اللي بتعمله دا نزلني

وليد: كدا احلي خليكم فوق

ملك بخوف.... مامي هو في ايه

رنا بتضحك.... ابوكي اتجنن ياوليد نااازلني انت اي اللي بتعمله دااا

وليد بيضحك نزلهم ونزل ملك عشان لاحظ انها خايفه و مسك رنا وبقي يرفعها لفوق كانه بيتدرب بيها و رنا بتضحك

ملك راحت تنادي علي كريم وجيه بسرعه لانها خوفته واول ماجيه بقي يضحك

كريم: لا ياوليد الدمبل تحت انت فهمت غلط

رنا: الحقني ياكريم

كريم: نزلها ياعم الهيرو

وليد نزل رنا وهو بيضحك ورنا بتخبطه في ص*ره.... انت اي اللي بتعمله دا

وليد: عندك اعتراض في حاجه

كريم بهمس: هدي بدل ماتطيري تاني احممم بقولك ايه ياكبير انا رتبت كل حاجه للحفله والدعوات وصلت للناس

وليد:تمام تابع التجهيزات بقي

كريم:تمام

ملك: يالا ياماما عشان نمشي

كريم بصلهم بتعجب... انتم خارجين

رنا: اه هنروح نفطر باره

وليد: هنروح المول نفطر ونيجي روحي جهزي الاولاد يالا

ريناد صحيت شافت بباها نايم جنبهم. نطت عليه واتكلمت بصوت عالي.... خياااااانه انت بتعمل ايه هنااااا

مروان صحي وهو بيضحك..... في ايه يابنت المجنونه

ريناد: بتعمل ايه هنا اعترف بتعمل اي يامروووواننن بتخووووني لاااااا

مروان ضحك بصوت عالي.... تصدقي ان امك نفسها عمرها ما قالتلي كدا

سجي: انتي عامله صداع ليه انا عايزه انام

مروان: اسف ياست سجي كملي نومك انتي

سجي نامت ومروان اخد ريناد و نزل

مروان: انتي ماروحتيش المدرسة ليه

ريناد: انهارده الجمعه يابابي اجازه

مروان: اها

ريناد: بابي ممكن اطلب منك طلب

مروان شالها و قعدعا علي رجله.... اوومري ياست البنات

ريناد: في لعبه شوفتها عيزاها ممكن تجبهالي

مروان: بس كدا من عنيا فين

ريناد: في المول اللي جمبينا

مروان: طيب اطلعي لبسي وانا كمان هاخد دوش و البس و ننزل تمام

ريناد بفرحه... اوكااااي

مروان: بس براحه عشان اختك مش تصحي

ريناد: حاضر

مروان طلع اوضته كانت هيا مش موجوده معلقش و دخل الحمام اخد دوش وخرج لبس و قابل ياسين

ياسين ببتسامه.... صباح الخير يا بابا

مروان: صباح النور ياحبيبي عامل ايه

ياسين: كويس

ريناد خرجت وهي فرحانه.... بابي انا جاهزه

ياسين: انتم خارجين

مروان: اختك عايزه لعبه تعالي معانا و بالمره نفطر سوا ايه رايكم

ريناد: ياااريت

ياسين: طيب وماما وسجي

مروان؛ والدتك مش موجوده وسجي مش بتصحي دلوقتي وهنجيب ليها الفطار واحنا راجعين يالا روح البس

مروان و ريناد نزلو انتظرو ياسين و بعد دقايق نزل واخدهم وراحو المول وطلب ليهم الاكل و قعدو سوا ياكلو وكانو الاتنين مبسوطين اووي

ياسين: انا فرحان اووي يابابا بقالنا كتير ماخرجناش معاك

ريناد: ايووه اليوم يذكر في التاريخ يافندم

مروان ضحك.... ماشي ياغلبويه كلي يالا

ريناد: بابي عايزه دونتس ونجيب لسجي عشان هي كمان بتحبه

مروان: حاضر

وبعد وقت قامو وجاب ليهم كل اللي هما عايزينه وجاب لريناد اللعبه اللي عيزاها

مروان: اختاري حاجه تانيه وشوفي سجي بتحب ايه وجبيه ليها

ريناد: اهي العروسه دي سجي شافتها وعجبتها اووي

مروان جاب منها اتنين ليهم وجاب ليهم كذا لعبه ليهم وريناد كانت فرحانه اووي

مروان: وانت هتفضل واقف كدا مش عايز حاجه

ياسين: لا

مروان: لا روح اختار ليك ال**ب وفي هناك كذا

بلاي ستيشن اختار اللي يعجبك

ياسين بفرحه.... بجد يا بابا

مروان: ايوه يالا

ياسين راح يختار اللعبه شاف بنت واقفه ماسكه عروسه وشكلهم الاتنين احلي من بعض و فضل باصص ليها و متابعها بعينه ولاحظ انها عايزه لعبه و مش عارفه تطولها و بتتلفت عشان توصلها

ياسين جابها ليها كانت عروسه باردو.... اتفضلي

البنت بصتله... شكرا

ياسين: العفو

وليد: مممللللك اتتي واقفه هنا ليه

ملك: بجيب عروسه

وليدبصلها وبص لياسين.... طيب تعالي عشان عمو وليد عايزك

وليد اخدها ومشي و ياسين بيبص عليها لحد ماخرجت من المحل

مروان: اي ياحبيبي خلصت

ياسين: اايوه

مروان اخد ولاده و مشي ورجع البيت كانت هيا قاعده

هيا ببتسامه : حمدلله علي سلامه كنت فين

ريناد: كنا في المول وبابي جاب لينا ال**ب واكل كتتيرر

هيا: طيب يالا اطلعي غيري هدومك وخودي شاور

ريناد وياسين طلعو و هيا راحت لمروان وهي مبتسمه ورطلعت دعوه ادتهالو

مروان: ايه دا

هيا ببتسامه... دعوه حفله وليد عاملها عشان خاطر رنا وبعتو لينا دعوه الحفله انهارده و عشان كدا نزلت اشتريت فستان وقربت منه.... عشان عارفه انك لازم تروح. مش كدا

مروان بعد عنها و بصلها بشك و حاسس انها بتخطط لحاجه بس ماتكلمش

استوووووب

اي رايكم في البارت

وتتوقعو ايه اللي هيحصل في اللي جاي؟؟؟؟