"Good morning po, Maam An—Miracle."
Napahinto ako sa pagpitas ng bulaklak at lumingon sa aking likuran nang marinig ko ang boses na iyon. Sandali akong natigilan at napaisip sa huling tinuran nito na para bang nagkamali ito sa pagtawag sa akin.
"Ako po si Lindon. Ang personal assistant ni Sir Marcuz." Pagpapakilala nito. Agad ko naman itong nakilala. Hindi ko lamang nagawang tumugon agad dahil napaisip ako sa aking narinig na para bang Angelica ang dapat nitong sasabihin ngunit agad lamang binago. At sa puntong iyon ay agada akong nakaramdam ng kaba.
Lihim akong bumuntong hininga at pilit na binura sa aking isipan ang kung ano-anong mga bagay ang naiisip. Dahil imposible rin naman na tawagin ako nito sa aking pangalan gayong hindi ako nito kilala at wala itong alam sa kung ano man ang l
