"Sir Marcuz, huminto na po ang ulan, pero medyo malaki pa po ang ilog. Hindi po tayo sigurado kung kakayanin na po ng kabayo na tumawid." Imporma ng aking tauhan. Alas kwatro na ng umaga at ngayon pa lamang huminto ang pag-ulan.
Bumuntong hininga ako. "Okay, tawagan mo si Dra. Monterde. Kailangang makarating siya rito bago pa lumiwanag. Mataas pa rin ang lagnat ng maam ninyo at kailangan na niyang matingnan ng doctor."
Tumango ito at agad kinuha ang cellphone. Ilang sandali lamang ay muli na rin itong humarap sa akin. "Natawagan ko na po, sir. Pero baka abutin pa raw po siya ng apat na oras bago makarating dito dahil wala pa raw pong driver na pwedeng maghatid sa kanya. Katatapos lang daw po ng operasyon niya at hindi niya raw po kayang magmaneho."
Napailing ako kasabay ng pag-igting ng
