"Von?" tawag ko ng muli kong maalala ang tanong na matagal ko ng gustong itanong dito. Sinundo ako ngayon nito sa bahay. Kahit mariin ko itong tinanggihan ay lalo lamang nitong ipinilit. Ito pa lamang ang pangalawang beses na nakakapunta ito sa aming bahay. Ngunit sa tuwing pupunta ito ay hanggang sa labas lamang at hindi ko inaayang pumasok sa loob. Hindi sa ayaw ko itong papasukin o ipakilala sa aking ina. Bagkus ay hindi pa lamang ako handa na ipaalam sa mga ito ang tungkol sa relasyon namin ni Von.
Lumingon ito. "Hmm?"
"Matagal ko na itong gustong itanong sa iyo. Noong unang beses kang pumunta sa bahay. Kaso nalilimutan ko lang palagi."
"Sige lang, baby. Ano iyon?"
"Bakit nga pala alam mo ang bahay namin? Wala naman akong maalalang sinabi ko sa iyo ang---" Napahinto ako sa pagsasa
