MARCUZ ANDERSON
NAPATULALA ako at nabigla sa ginawa ni Angelica. Hindi ako nakapagsalita nang bigla nitong ibinato sa aking mukha ang hinubad nitong damit. Hindi ko inasahan na magagalit ito ng ganoon dahil lamang sa aking mga sinabi at kagustuhang magpilit ito ng damit. Napasunod na lamang ako rito ng tingin nang mabilis itong pumasok sa loob.
Bakit ba parang sobrang tapang na niya ngayon? Ilang beses ko ng nakikitang ganoon siya katapang. Hindi naman siya dating ganyan, a. Tahimik lang at pinong kumilos, pero ngayon para bang palagi na lang pasugod sa giyera. Ganoon ba talaga ang mga babae pag nagbubuntis? "F*ck! Nakakapraning!" Mariin kong turan at tinawagan si Lindon upang ipa-cancel ang reservation ko sa isang private hotel na may magandang view. Gusto ko sana itong isorpresa sa ika
