MAAGANG umalis si Shawn sa kanilang bahay, dahil ngayong araw ay naisipan niyang hanapan ng mauupahan si Sariah na malapit lamang sa kanilang opisina. Hindi na rin niya muna ito pinapasok para makapagpahinga ito at nais niya itong surpresahin sa apartment na kukunin niya para dito.
Tinawagan niya ang kaibigan dahil marami itong alam na paupahan sa paligid ng Mandaluyong.
"Hello, oh bakit?" tanong kaagad nito.
"Bray, hindi ba alam mo kung saan maraming paupahan dito sa gawi ng Mandaluyong? Saan ba dito banda 'yon?" tanong naman niya.
"Ah. Sa J.P. Rizal Street, marami doon, bakit? Sino ba mangungupahan?"
"Ah, wala may nagpapahanap lang kasi sa 'kin," tugon naman niya.
"Ah, okay. Anyway, nagkausap na ba kayo ni Bella?" tanong nito na ipinagtaka niya.
"Oo, bakit? Hindi na pala siya natu
