MAAGANG umalis si Shawn ng umagang iyon at hindi na nito hinintay pang magising si Bella dahil siguradong pagkagising nito ay marami na naman itong itatanong sa kaniya.
Pagbaba niya ng hagdanan nang mapansin ang isang maliit na kahon na malapit sa pintuan. Wala sa loob na dinampot niya iyon. Naka-gift wrap iyon kaya na-curious siya, bitbit niya ang kahon na iyon hanggang sa makasakay siya ng sasakyan at doon niya ito binuksan.
Natanggal na niya ang balot ng kahong iyon ng biglang tumunog ang kaniyang cellphone nang makita niyang si Sariah iyon ay inilapag na muna niya ang kahon sa ibabaw ng dashboard ng kaniyang sasakyan at nakangiting sinagot ang tawag na iyon.
"Hello, naka-ready ka na ba?" bungad niya rito dahil sa araw na iyon niya ito ihahatid sa apartment na kinuha niya para dito.
