[Babala: Sensitibo ang mga susunod na eksenang mababasa. Patnubay at Gabay ang Kailangan]
*****
Mia
*****
Nasa club room si Mia, sa harap ng kaniyang paboritong puwesto sa study area. Hawak ang isa sa kaniyang libro, nagpakaabala siya sa pag-aaral. Kailangan niya iyon para kahit papano ay ma-distract siya. Kapag hindi kasi siya abala, maraming gumugulo sa isipan niya.
Saglit siyang napalingon sa labas ng bintana. Masigla ang paglipad ng ibon sa kalangitan. Malumanay pa rin ang pagwagayway ng mga puno sanhi ng pag-ihip ng hangin. Sa kabila ng mga nangyari, parang napakamapayapa pa rin ng unibersidad.
Kakaunti pa lamang ang mga club members na naroon at nakatambay. Abala naman ang mga ito sa pakikipagtawanan at pakikipagkuwentuhan sa isa't isa. Nang mapatingin siya sa mga first year, k
