*********
Timothy
*********
Sa simpleng opisina ng Cybercrime Investigation, makikitang abala ang mga taong naroon sa magkakatapat na hilera ng mesa, at nakaharap sa kaniya-kaniyang computer.
Ganoon din si Timothy hindi pa rin natatapos sa pagtingin sa iba't ibang social media acounts ng apat na babaeng nawawala. Mayamaya nga lang, kailangan na niyang maghanda para sa pagpunta nila sa isang recreation center sa Laguna.
Nalipat ang atensyon niya nang makatanggap siya ng email mula sa forensic laboratory. Tungkol ‘yon sa anti-depressants na nakuha sa bahay ni Mr. Eric Roxas. Base sa report, naiiba ang nilalaman ng gamot kumpara sa nakalagay sa label. Hindi nga rin matukoy kung ano-ano ang laman nitong sangkap.
Maaari daw na isa ‘yong itinitest na droga o 'di naman kaya, gamot
