Pagkauwi sa bahay ay mag-isa lang ako na bumaba dahil may pupuntahan daw ang mga pinsan ko. Hindi na ako nag-abala pa na magtanong saka pumasok sa gate matapos magpasalamat sa paghahatid nila. Nag-aalalang mukha ni Mama at Tita Verna ang nabungaran ko pagkarating ko sa living room. Kasama nila ang OB-Gyne ko doon na nakaupo sa may sofa at mukhang kanina pa ako hinihintay. Hindi na ako nakipagtalo pa at sinunod silang magpatingin kahit na wala naman akong nakakaramdam na kakaiba.
Hindi rin naman nagtagal ang OB dahil matapos akong pagbilinan ay umalis na rin ito. Kumain muna ako ng early dinner bago umakyat sa kwarto ko. Masyadong maraming nangyari ngayong araw kaya pagkatapos ko mag-shower ay nakatulog agad ako.
Kinabukasan ay weekend kaya natuloy din sa wakas ang pagkikita namin
