NAPAYUKO si Gabby na nakatukod ang kamay sa railings ng balcony nito. Ilang minuto itong nanatiling nakapikit na panay ang paghinga ng malalim. Para siyang nabunutan ng tinik sa dibdib na nasabi niya sa kanyang pamilya ang sitwasyon nito sa Manila. Gano'n pa man, alam niyang nag-aalala ang mga ito sa kanyang seguridad. Dahil tiyak na guguluhin siya ng ina ni Anton kapag malaman nilang nandidito lang sa apartment niya ang binata, at hindi totoong nagtungo ito abroad para doon magpagaling!
Hindi naman kaya ng kunsensiya niya na paalisin na si Anton sa poder niya. Lalo na't nagsisimula pa lang itong magpa-therapy. Nakikita naman niyang tinutulungan ni Anton ang sarili niya kahit hirap na hirap ito. Para siyang kinukurot sa puso sa tuwing naiiyak si Anton na pilit iginagalaw ang mga binti nit
