ILANG araw na nanatiling nagkukulong sa bahay si Gabby. Hindi niya na muna dinalaw sa hospital si Anton kahit alam na niyang nagkamalay na ito. Hati naman ang opinion ng mga tao sa kumakalat na chismis kay Gabby at Anton.
Ang iba, naniniwala sa panig ng dalaga. Dahil kabisado nila ito. Pero mas lamang ang mga pinagtatawanan ang dalaga at kinukutya pa nga ito. Kahit mahirap magpigil ay nagpipigil ang pamilya ni Gabby na sugurin ang mga taong pinagtatawanan si Gabby. Lalo na ang kanilang ama na kung hindi lang iniisip ang kapakanan ng kanyang mag-iina, sumugod na siya sa mga Altameranda at ipaglaban ang anak nitong sinisira ng pamilya ni Anton ang dangal sa mga tao!
“Akala mo kung sinong santa. Iyon pala. . . santa santita.” Maarteng parinig ng isang dalagang kapitbahay nila na pinaparin
