PASIPOL-SIPOL si Matteo habang nakapamulsa na naglalakad ng hallway palabas ng hospital. Napakasaya nito na nakasama si Gabby sa araw na ito. Idagdag pang nakaungot siya dito na makikitulog siya mamayang gabi sa apartment nito at may date pa sila sa weekend. Higit sa lahat? Nahalikan niya ang dalaga na palaging laman ng kanyang imahinasyon! Hindi na nga ito makapaghintay na makatabing muli sa kama ang dalaga.
Dumaan ito sa surgery ward para silipin si Xia. Alam niya kasing malapit din ito kay Gabby kaya gusto niyang humingi ng tip dito kung paano mapaamo sa kanya ang dalaga. Daig pa nito ang adik na nakahithit ng rugby kung makangiting mag-isa. Naiisip kasi nito si Gabby na ilang beses niyang nahalikan sa araw na ito! Kinikilig ito na pakiramdam ay nakalapat pa rin ang malambot na labi n
