Sa kabilang banda, nakatihaya na ngayon si Dorotea sa malambot niyang kama habang inii-scan ang kontratang napirmahan nilang dalawa ni Rayver. Mahilig siyang magbasa ng kung ano-anong klase ng libro kaya hindi bago sa kanya ang binabasa ngayon at iniintindi niya bawat linya. Iilang pahina lang ang nilalaman ng kontrata at may lagda pa iyon pati ng abogado na nagsasabing isa nga siyang legit na surrogate at hindi niya maaaring itakbo ang bata pagkasilang nito o kaya’y angkinin na kanya. Nakalagay din na hindi siya pwedeng mag-demand ng mas malaking halaga higit pa sa napagkasunduan nila ng kanyang employer.
Tumatagingting na 5 million ang total amount na ibabayad sa kanya lang at covered ni Rayver ang iba niya pang pangangailangang fertility treatments pati itong pananatili niya sa pentho
