Adelina's Point of View
Kahit papaano ay nabawasan ang bigat na iniisip ko. Hindi ko lubos akalaing gagaan ang pakiramdam ko dahil lang sinamahan ako ni Amadeo kagabi. Kahit papaano ay kumalma ang isipan ko at nakatulog ako nang maayos.
Marahan akong gumalaw at tiningnan ang katabi kong payapa pa ring natutulog. Pinagmasdan ko ang mukha niyang tila kumikinang dahil sa tumatamang sinag ng araw.
Gwapo.
Bumaba ang tingin ko sa labi niya, at hindi ko maipaliwanag kung bakit bigla na lang kumabog ang dibdib ko at nag-init ang aking pisngi.
Napalunok ako ng laway.
Dahan-dahan kong inilapit ang mukha ko sa kanya.
Halos mabingi ako sa lakas ng kabog ng aking dibdib.
Hindi ko rin alam bakit ko ito ginagawa. Tila kusang kumilos ang aking katawan.
Marahan akong pumikit saka tuluyang idin
