Adelina's Point of View
Nagising ako dahil sa labis na lamig na aking nararamdaman na sinabayan ng sakit ng ulo at katawan. Pagmulat ng mga mata ko ay agad akong napapikit nang tumama ang nakakasilaw na sinag ng araw sa aking mga mata. Pero nang makapag-adjust ay muli kong binuksan ang mga mata ko at iginala ang tingin sa paligid.
Walang tao.
Nasaan si Sir Amadeo?
Sinubukan kong bumangon pero biglang umikot ang paningin ko.
Kay init ng mga sulok ng mga mata ko at tila nanunuyo ang aking lalamunan. Mainit din ang loob ng aking katawan, at wala akong lakas na gumalaw.
May sakit ba ako?
Gumulong ako sa kama at pilit na bumangon. Hinang-hina ang katawan ko. Pakiramdam ko'y uubuhin ako anumang oras.
Sinubukan kong tumayo, pero napaupo na lang ako nang muling mahilo. Nasapo ko ang aki
