Adelina's Point of View
"Tingin mo nagustuhan niya kaya ang dinala nating pagkain?" tanong ko kay Amadeo habang bumabiyahe kami pauwi sa mansyon. Kakagaling lang namin sa mansyon ng godfather; bumisita kami dahil gusto niya raw kaming makita.
Isang linggo na mula nang ipakilala ako ni Amadeo sa pamilya niya, at simula nang araw na 'yon ay naging madalas ang pagpapapatawag sa amin ng godfather. Pero hindi lang dahil sa gusto niya kaming makasama, kundi pasikreto rin kaming nag-uusap tungkol sa kaligtasan ni Amadeo.
Sa loob nang tatlong linggo ay iaanunsyo na niya ang susunod na godfather, at 'yon ay walang iba kundi si Amadeo. Pinag-usapan din namin ang papel na gagampanan ko. Pero bago 'yon, kailangan ko munang masiguro na masasabi ko na kay Amadeo ang totoo.
At naghahanap na lang ako
