بنت بفله عيال

"part "2

راكان: وش هالدم

لمى حست الدنيا تدور فيها لا لا ليكون جتني الدوره وانا لابسه بنطلون ابيض شكلي بنفضح

لمى لفت عليه وبخوف: اي دممم

راكان يأشر قريب ركبتها: هذا

لمى شافته وتن*دت بفرح: هذا وانا اسوي اليوم الفطور جرحت يدي بالسكين

راكان يتمسخر: ياعمري ماتشوف شر عسى ماوجعك اود*ك المستشفى

لمى: خليك بحالك

"ومشت من عنده وهي تحمد ربها ان مو الدوره طلعت لغرفتها اخذت جاكيت ونزلت والغدا كان جاهز وكلهم بالطاوله شافت الاكل يشهي"

لمى واي ماكنت اتخيل بيوم اني باكل ذا الاكل والله كنت متخيله بس بالتلفزيون الله ياحياه الفقر شذا احس باكل كل شيء يميي

يزن: شفيك تناظر تعال اجلس

"راحت لمى وجلست وبدت تأكل بشراهه والكل يطالعها باستغراب"

راكان: شكلك من النوع الي تأكل كثير وماتسمن

لمى شرغت بالاكل: كح كح كح

تركي: شفيك مرعت الولد

الدحمي: اتفل عليه

راكان ماصدق وقام يتفل عليها: تف تف تف

لمى تمسح وجهها بق*ف: الله يق*فك وعععع بسس وقفف

الشباب فطسوا ضحك

ولمى قامت بعصبيه تغسل وجهها

يزيد: هههه وربي انك مخبول

راكان ببراءه: شسويت الدحمي قلي اتفل عليه

سلطان: هههه وانت تصدقه ق*فت الولد لو انا مكانه عطينك كفف وعع ق*فف

راكان: على تبن بس

"شوي ورجعت لمى وجلست تأكل"

يزن: ولك نفس تأكل بعد الي سواه

لمى والله لو ايش مصار مابقوم انا ماصدقت اكل ذا الاكل: عادي ماصار شيء

راكان حضنها: ياحبي لك

لمى دفته: وخر وخر بس لاتصدق بس عشان خاطر الاكل قلت كذا

الشباب: هههههه

سلطان: امس ليش تاخرتوا

يزيد: رحنا السوق نشتري ملابس لليث وادوات المدرسه

الدحمي بفضول: ورنا ايش اشتريتم

لمى: اكمل اكل واطلع اجيبهم

الدحمي: اوك

"خلصوا اكل ورفعوا الصحون وغسلوهم بحكم ان ماعندهم خدامه ولمى طلعت تجيب الاغراض الي شرتهم عشان توريهم نزلت لقتهم كلهم بالصاله قاعدين ع الكنب والشاشه شغاله قدامهم "

لمى: جبت الاغراض

"قام الدحمي جنبها عشان يشوف ورتهم الملابس وهم يمدحون ذوقها وهي مستناسنه خرجت الشنطه الي للمدرسه توريهم"

لمى: وهذي الشنطه

الشباب كاتمين الضحكه

لمى؟؟؟؟؟

يزن: جد ليث انت خكري

لمى بصبر: لا مو خكري شفيكم ازعجتوا امي

يزن: اجل وش ذي الشنطه

لمى تشوف الشنطه واستوعبت انها ورديه وعليها فوينكات ومكتوب عليها i'm nice ومدريت وش تقول

راكان: ههههههههههههههه ههههههههههههههه انا قايل لكم من اول الولد خكري ماصدقتوني

لمى تمثل العصبيه: شكل العامل الغ*ي خربط بين حقتي وحقت البنت الي كانت تشتري

سلطان: وتوك تنتبه

لمى: اي اصلا امس الوقت تأخر ونمت ماشفت شيء

تركي: ماعليه تصير ذي المواقف اكيد تلخبط باخذك اليوم وتشتري شنطه ثانيه

لمى: اوكي

راكان: وليه الشنطه ان شاء الله هذا حنا كلنا نروح بدون شناط

لمى: نعم نعم وتبيني اخذ الدفاتر بيدي مثل العيال

يزن: مثل العيال؟؟؟

لمى تو تستوعب: شسمه ذا اقصد...انا اتعب وبعدين مالي خلق اخذهم بيدي ودي ارتاح

راكان: ههههههههههه والله انك خككري الشناط للبنات

لمى: شدخلك انت

تركي: خلاص بتقلبوها هوشه وانت ياليث روح تجهز عشان نطلع نشتري لك

لمى: اوك الحين

"راحت لمى تغير ملابسها وخرجت مع تركي مع ان ماودها تروح من اخر موقف بس مجبوره عشان الشنطه ولا بتاخذهم بيدها طلعت السياره والهدوء سيد الموقف "

تركي: ليث زعلان؟

لمى:.......لا رد

تركي: والله ماكنت اقصد شيء سامحني ماقصدي

لمى: ماعليه

تركي: يعني مسامحني

لمى: اي بس لاتكرر الحركه

تركي استانس: من عيوني

لمى عمى بعيونك ان شاء الله

تركي: اي محل ودك تروح

لمى: ما ادري اي محل اصلا مابنطول ناخذ الشنطه ونرجع

تركي: ان شاء الله

نروح مكان ثاني

خلصت صلاتها وجلست تدعي ربها وتبكي كالعاده

فيصل: يالغاليه اشفيك؟ كل يوم على ذا الحال ومانتي براضيه تعلميني

ام فيصل تبكي: اخخ ابوك ظلمها

فيصل: مين يمه؟؟

ام فيصل مسحت دموعها: لاتهتم يمه لاتهتم استعديت للمدرسه

فيصل درى انها تصرفه كالعاده: اي يمه

ام فيصل: هااا ابي درجات زينه عشان انت الوحيد الي بتمسك حلال ابوك الله يرحمه

فيصل: الله يرحمه من عيوني يالغاليه بهتم وبجيب درجات ترفع الرأس

ام فيصل: الله يوفقك يمه

فيصل باس راسها: اجل انا طالع يالغاليه

ام فيصل: الله معك

"طلع فيصل مع عيال عمه وامه رجعت تخلص صلاتها"

بالفله رجع تركي ولمى من السوق وكانوا قاعدين بالصاله يسولفون

الدحمي: ليث معاك الـBiP

لمى: وشهو ذا

الدحمي: تطبيق مراسله جيب جوالك اعلمك عليه

"لمى خرجت جوالها الي جابه لها يزيد"

سلطان: من وين لك ذا الجوال

لمى: عطاني يزيد

راكان: اوووه حتى انت يايزيد

يزيد: وش حتى انا طبيعي الولد حامل اسمي فلازم يكون كشخه

لمى بصوت منخفض ماسمعه الا الدحمي: الله من الاسم الاسقراطي

الدحمي: ههههههههههههههه ههههههههههههههه

يزيد: شبلاك انت

الدحمي: ولا شيء ولا شيء

"حمل التطبيق للمى وقعد يعلمها عليه واخذ بنها واعطاها لشباب لانه طلبوه"

الساعه 12 منتصف الليل

يزيد: يالله تأخر الوقت صارت الساعه 12

يزن: افاااا زيووود طرده

يزيد: هههههه افهمها مثل ماتبي اصلا بكره اول الاسبوع واول اسبوع دراسي يعني لازم ليث ينام وانتو بعد عندكم دوامات

الدحمي: من متى نداوم اول اسبوع

يزيد: لامعليش حبيبي تغير الوضع قبل ماكنت اهم شيء الحين لازم درجات زينه عشان كذا لازم يداوم ليث من اول يوم وما يهمل

لمى: طيب انا بروح انام مافي داعي تطردهم كلهم عشاني

سلطان: اي تعلم الذوق منه

يزيد: اقول يالله كل واحد على بيته لاهفكم

راكان: قوموا جمعوا كرامتكم وخلونا نمشي من لقى احبابه نسى اصحابه "وغمز ليزيد"

يزيد: انقلع بس شايفني تريكان

تركي: شفيني انا

يزيد: انت ادرى

"رجعوا العيال لبيوتهم ولمى ويزيد وتركي راحوا يناموا"

.

.

يوم جديد

تركي: اوووف والله لاسحبك من رجلك كل هذا نوووم

لمى: اوووف خلني انام وخرررر

تركي: والله منت حق دراسه هذا ويزيد معتمد عليك ومن بدايتها طاقها نومه

لمى: طيب زين زين قمت انقلع انت

تركي: لا ياشيخ تعال عطيني كف بعد

لمى: ياصبر الارض عليك هذاني قمت

"قامت راحت الحمام غسلت وجهها وخرجت راحت للدولاب خرجت لها ملابس ووقفت تناظر تركي "

لمى: منت ناوي تخرج

تركي: وليه اخرج ان شاء الله

لمى: بغير ملابسي

تركي باستغراب: مامسكت ايدك غير

لمى: وانت هنا

تركي: شفيها تراني ولد مثلي مثلك

لمى اووف وش يخرجه ذا الحين: لا م احب اغير قدام حد

تركي: ليه تستحي

لمى لقتها من الله: اي استحي

تركي: اوك بطلع دقايق وانت حاهز ركوون بيجينا الان

لمى: اووف كملت راكان من صباح الصبح اش عنده ذا

تركي: يدرس معانا اخلص يالله

لمى: طيب اخرج

"خرج تركي ولمى راحت تقفل الباب احتياط بعدت المشد"

لمى: الله يالراحه والله مضايقني ذا الزفت"تقصد المشد"

سمعت دق ع الباب

تركي: ليييثوووه بسسرعه راكان وصل

لمى تلبس باستعجال: يالله هذاني جاي

"خلصت تلبس وفتحت الباب ونزلت هي وتركي لسياره راكان فتحت الباب لقت كل الشله بالسياره"

لمى: هيه نحنا رايحين ندرس ولا رايحين ملاهي شعندكم كلكم هنا

يزن: بنوصلك وبنرجع

سلطان: اخلص علينا ترا كلنا ندرس مو بس انت> انا ابي اشرد من ذا حمد وذا فارح بوجهه بعرفك ع شلتي خليني بس اسلك له: اوك يصير خير

رن الجرس وجاء وقت الفسحه ولمى يدها ع قلبها خايفه تلاقي حمد كانت طول الوقت لاصقه بتركي ويزن وتركي مستانس نزلوا للساحه ولمى بدت تطمن انها ماقبلته جلسوا بمكان مافيه طلاب كثير

تركي: انا بروح اشتري فطور لنا وراجع حد يجي معي

سلطان: انا بجي معك

راحوا تركي وسلطان وبقيه الشله قعدوا يسولفون لين جاء اياد لعند لمى

اياد: يزوود

لمى خير ذا اشبمه جاي وقاط الميانه يزوود مره وحده: هلا

اياد: شلتي تنتظرك على احر من الجمر تعال بعرفك عليهم

لمى تخاف لو تقابل حمد: لالا خلني قاعد هنا خلهم هم يجوني

اياد: اربعه يجون عشان واحد اقول قوم عن ال**ل"ويسحبها بيدها"

راكان: خله ماوده يجي

اياد: بعرفه ع الشله وارجعه مابيتأخر "وسحبها معه لعند شلته"

لمى الحين ذا شفيه يسحبني مثل العنزه: زين اترك ايدي اعرف امشي

اياد ترك ايدها وهو خاققق وه يده مره ناعمه والله كيوووت شكل الولد خكري يهتم ببشرته هههه انا متأكد لو شافه نواف تطيح سعابيله: اوك هذاني تركتك يالله امش

مشى اياد ولمى وراه وصل لعند مجموعه عيال كانوا اربعه ومن بينهم عزيز

اياد: وهذا يزيد

عزام يتمخكر: واووو سوووو كيوووووت واااي

رائد يهفه بالحجره من الساحه: الله يقلع بليسك جبت لي الغاثي

عزام: هههههه ماتوقعته كذا الولد نعوووم بزياده

رائد يمد يده يسلم: انا رائد

لمى مدت يدها: تشرفت

عزام يتمخكر: هاي بيبي انا عزام انسان فله بس اذا عسبت عسبت (عصبت)

لمى خير شفيه ذا مريض والله نسخه من راكانووو: هلا فيك

رائد: عزام تكلم سوا ههههههههههه الله ياخذك

اما نواف كان بعالم ثاني

عزام: نوافوووووه وين سرحت

نواف بهيام: متأكد ذا ولد لالا م اصدق ذا ملاك ذا احسن من البنات بعد

لمى خافت من كلامه: هيه وش قصدك

اياد: م عليك منه تراه كذا مايضبط كلامه اقعد حياك

لمى: لا مشكور بروح مع شلتي

عزيز: معاك شله

لمى: اي راكان الي جنبك وتركي ويزن الي وراي واثنين بالفصل الثاني

عزيز: ليه ماجبتهم نتعرف عليهم

لمى: هو خويك خلى لي فرصه ساحبني وراه مثل العنز

رائد: ههههههههههه امااا عليك تشبيهات هههههههه

اياد: طيب اجلس ماهم بطايرين شلتك

لمى استسلمت وجلست معاهم

اياد: شرايك تدخل شلتنا

لمى تتزانخ: اجل افتح الباب

اياد: كاااااك ماتضحك

رائد: ههههه والله انك فله لازم تدخل الشله

لمى: لا ماودي احتك مع حد كثير شلتي تكفيني

نواف: مو مشكله جيب شلتك ونصير كلنا شله وحده

لمى: مدري بشوف والحين عن اذنكم بروح عند شلتي

الكل: اذنك معك

راحت لمى تدور شلتها

رائد: هههه ياحليله فله

عزام: وكيوت ونعومي

نواف: وحلووو ويخققق

عزيز: استغفرالله شفيكم مافيه شيء ولد نفس الاولاد

اياد: هههههه ماضنتي انه ولد احسه خكري

عزام: تحس بس الا تأكد

اياد : هههههه صادق مسكت يده والله يد حبيباتي كلهم ماهي بنعومه يداته

رائد: هههه لازم يدخل الشله والله يونسس ونعلمه المرجله بالهجوله

عزام: امااا عااااد بتدخله الهجوله مره وحده اخاف يطيح قلبه تراه مايتحمل ههههههه

عزيز: خلاص شفيكم ماسكين ع الولد خلوه في حاله

عند شله لمى رجع تركي وسلطان من المقصف

تركي: وين يزيد(لمى)

راكان: راح مع اياد

تركي: اياد مين

راكان: الي كان جنبه بالفصل

تركي: كيف تخلوه يروح بروحه

يزن: وش بيصير عليه رجال ماهو بزر

تركي: انت سمعته وش يقووول يقول متصايح مع حمد وانت تدري بحمد تلاقيه الحين مكفخه

الدحمي: الا جد وحمد كان يتحلف فيه وناوي له

سلطان: وش تنتظرون قوموا ندوره

قاموا يدورونها اما عند لمى كانت تمشي ومو متذكر الطريق وتدور ع الشله

لمى وقفت بنص الساحه اوووف وين ذول اختفوا والله ميته خوووف لو يلاقيني حمد قسم ليمردغني

ماخلصت كلمتها الا وسته شباب عاملين عليها دايره

لمى تناظرهم وشافت حمد يبتسم لها وجنبه الولد الي كان يقولها مكان خويي واربعه ماتعرفهم

لمى هئئئئئئئ حصلوني وش ذا الحظ الي معي انحس من معدن النحاس نفسه والله شكلك رحتي فيها يالمى تستاهلي هذي اللقافه الحين كلي تبن

حمد: اشوف القط بلع ل**نك

.

.

انتهى البارت

@bnt al-waleed