Kinabukasan, nagising ako nang maaga.
Hindi pa rin nawawala sa isip ko ang nangyari kagabi sa proposal, na dapat ay masaya. Bakit kailangang humantong sa ganoon, hindi ba?
Bumangon ako at kinuha sa bag ko ang box ng singsing. Binuksan ko iyon at tinitigan ang singsing na nakalagay doon. Sa tuwing tumitingin ako rito ay hindi ko naiiwasang maging emosiyonal dahil sa inggit.
Bigla ay narinig ko na bumukas ang pintuan ng kuwarto ko. Nagulat ako nang makita ko si Rex na nandoon, seryosong nakatingin sa akin, at sa hawak ko. Mabilis siyang lumapit sa akin at kinuha ang box ng singsing sa kamay ko at ibinalibag iyon sa kung saan.
"Rex, ano ba!?"
"Maghapon kitang kino-contact kahapon, nasaan ka? Mahirap bang mag-reply at sabihin kung nasaan ka at anong ginagawa mo?" galit na sabi niya sa aki
