"Sorry" sabi nito
Napatayo ako habang hawak ang kamay ni Sam.
"Nakakakilig naman."
"Oo nga para akong nanonood ng teleserye."
"My Gosh! kailan ko kaya mararanasan yan." rinig kong palitan ng salita ng mga nasa likod ko.
"Madam, sorry na daw. patawarin mo na si Sir." sigaw ni Badz nang hindi pa ako kumikilos
"Salamat." Tinanggap ko ang hawak nitong bulaklak na may halong kilig at tuwa.
Hindi ito ang unang beses na nakatanggap ako ng bulaklak pero kakaiba ang ibinibigay nitong saya at kilig ngayon na si Aiden ang nagbigay.
Kinuhang muli ni Joana si Sam na hawak ko sa kamay at tumabi ito kina Badz na may malapad ang ngiti
"Isang kiss naman dyan,Madam!" Sigaw ni Badz na bahagya pa akong itinulak papalapit kay Aiden.
Napahawak ako sa malapad na dibdib nito habang ito naman ay awtomati
