SECOND FLOOR
Wala ako sa sarili nang sapilitan akong ipinasok sa kotse. Pinapagitnaan ako ng dalawang lalaki. Napatingin ako sa nanginginig kong kamay. Hindi pa umuusad ang sasakyan dahil may mga instruksyon pang sinasabi ang Don sa lalaking magmamaneho ng sasakyan papunta sa bahay aliwan.
Napatingin ako sa labas ng parang may humihila saking dungawin ang bintana ng kwarto namin ni Sebastian.
There, I saw him.
Nasa balkonahe ito at nakatingin sa gawi namin. Hindi ko alam kung nakikita ba ako nito, sa pagkakaalam ko ay tinted ang salamin ng sasakyang kinalalagyan ko. Pero pakiramdam ko ay parang tumatagos sa puso ko ang tingin nito. Nagtubig ang aking mga mata. Lumabas muna ang dalawang lalaking nasa magkabilang gilid ko ng tawagin ito ng Don dahilan para mas mapalapit ako sa bintana
