MAX
Day off ko ngayon pero maaga rin akong gumising. Si Warren, ayaw pa niyang umalis kagabi matapos naming kumain. Gusto pa yatang tumambay dito sa apartment ko. Hindi ko alam sa bugok na iyon kung bakit ang hilig-hilig talaga niyang pumunta sa apartment ko gayong wala naman siyang mapapala dito. Hindi ko nga alam kung ano ang trabaho niya. Basta ang alam ko lang ay mayaman siya pero wala akong alam sa pamilya niya. Isa pa, wala naman akong balak na alamin pa. Hindi naman ako interesado sa personal na buhay niya.
Naglinis ako sa buong bahay. Napangiti ako nang makita ko ang kusina ko na may laman na ngayon. Hindi gaya noong mga nakaraang araw na tinitipid kong masyado ang dalawang itlog at isang instant noodles.
Matapos kong maglinis ay gumayak na ako. Maghahanap ako ng ibang pwede ko
