MAX
Nakasunod siya sa akin hanggang sa makapasok ako sa loob ng apartment ko.
“Umuwi ka na,” pagtataboy ko sa kaniya pero umupo pa ito sa pang-isahan at tanging sofa na naroroon.
“No,” matigas na tanggi nito at prente pang sumandal sa kinauupuan niya.
“Pagod ako, Warren. Gusto ko nang matulog,” pagdadahilan ko sa kaniya.
Kung ano man ang punishment na sinasabi niya kalimutan na lang niya. Isa pa wala siyang karapatan na parusahan o pagalitan ako. Tatay ko nga walang pakialam sa akin, tapos siya akala mo kung sinong napaka-protective.
“Talagang mapapagod ka. Kung sana sinabi mo sa akin na kailangan mo ng pera, hindi mo kailangan magpakapagod at magsuot ng damit na mukhang kinapos na sa tela. Masyadong matigas kasi ang ulo mo,” sermon niya sa akin habang nakaupo siya at nakatingin sa
