MAX
Bandang alas sais y media ay dumating si tatay kasama ang kaniyang dalawang kumpare. Tinawag pa nito si Hazel para utusang bumili ng alak.
Nangingitngit ako habang nakikinig lang at nasa sala. Nagkukunwari akong walang naririnig. Pero sa totoo lang gust ko na siyang labasin at tanungin tungkol sa pera ko.
“Anong ulam natin? May pwede ba kaming mapulutan?” tanong ni Tatay nang pumasok sa loob ng bahay.
Mas lalong kumulo ang dugo ko sa tanong ni tatay. Talagang dito pa siya naghanap ng pulutan sa bahay. Bakit hindi siya bumili sa labas? Total nasa kaniya naman na ang pera ko? O kung wala silang pulutan, huwag na lang sila uminom.
“Hindi baang sabi ninyo, magsasabong kayo? Nasan ang panalo ninyong sana ay ulam sana natin?” pabalang na tanong ko sa kaniya.
Iyon ang pinagyayabang niya
