MAX
Nagsaing na ako at nagluluto ng pananghalian ko. Masakit pa rin ang paa ko pero hinaplosan ko na siya ng ointment at binalunatan ko rin ulit ng tela na mahigpit para para hindi ko maramdaman ang sakit. Sana lang talaga magaling na bukas ang paa ko dahil gusto ko nang pumasok sa trabaho.
Sardinas na may miswa ang ulam na niluluto ko, kasama na ang panghapunan ko rito. Masyado itong marami para sa isang kainan ko lang. Matapos kong magluto ay naghanda na akong kumain. Medyo gutom na rin ako dahil kape lang ang almusal ko kanina.
Nakakapagpahinga naman ako ngayong araw pero hindi kasi ako sanay ng walang ginagawa, siguro kung hindi ako natatakot na baka mas mamaga ang paa ko kapag pinuwersa ko ay pumasok na ako sa trabaho kaninang umaga.
Umupo na ako para magtanghalian nang may kumato
