MAX
“Hindi at sinabi ko na sa iyong iwasan mo si Warren? Hindi ko alam na matigas pala ang ulo mo,” may disappointment na saad nito.
Tumigas ang panga ko. Ibinaba ko ang kamay ko na nakahawak sa pisngi ko na siguro ay namumula ngayon dahil sa lakas ng sampal niya.
Ikinuyom ko ang mga kamao ko habang galit na nakatingin kay Madam. Biglang nawala ang respeto ko sa kaniya dahil sa pananampal na ginawa niya. Anong karapatan niya na sampalin ako dahil lang sa hindi ko sinunod ang sinabi niya sa akin?
Sino siya para diktahan ako?
“Sapat na po ba iyon para sampalin ninyo ako? Sino ba kayo? Anong karapatan ninyong saktan ako dahil lang sa hindi ko sinunod ang sinabi ninyo?” matapang na tanong ko sa kaniya.
Pinipigil ko ang inis na nararamdaman ko pero naniningkit ang mga mata ko habang nakat
