Ilang minuto pagkatapos ihatid sa clinic si Rich ay nagising na rin ito mula sa pagkakahimatay. Pagmulat ng mata niya ay binalingan niya si Rosie na nasa tabi niya. Ngumiti agad siya sa dalaga. Mukhang maganda ang naging paggising niya.
"Ang ganda naman ng bumungad sa 'kin." Hindi na maalis ang pagkakangiti nito. Pinilit niyang imulat ang mga mata niya. Maya-maya pa ay dumating ang nurse na tumingin sa kanya.
"Good morning, Ma'am. Are you his guardian?" tanong nito.
Napaisip pa si Rosie. Hindi niya alam ang isasagot pero mukhang no choice na siya.
"Y-Yes," tipid na sagot niya.
"Well, maybe there are some factors kung bakit nahilo si Mr. Fesco. Baka sa pagod, o 'di kaya ay may iniinda ito sa katawan. Better if you consult a doctor para matingnan kung ano talaga ang lagay ng katawan ni
