KATATAPOS lang ng nilulutong sweet and spicy chicken adobo ni Rosie nang dumaan ang Mommy Cecille niya sa kusina. Tumigil ito sa tapat ng kakahain niya lang na ulam saka ito inamoy-amoy.
"Hmmmm, mukhang masarap. Ang bango, anak. Ano kaya kung hatiran mo nito sina Rich at Celestine sa kabilang bahay?" suhestiyon ng kanyang mommy.
Nabura ang mga ngiti sa labi niya nang marinig iyon.
"Mom?! Iwas na iwas na nga ako, e. Ikaw naman 'tong pilit na dinadala ako do'n," aniya habang nagpapadyak na parang bata.
"Anak, ipakita mo sa kanila na nakamove-on ka na. That you aren't weak anymore. Besides, mas pinalakas ka na naman ngayon ng mga pinagdaanan mo noon, 'di ba?"
She let out a heavy sigh. "Okay, fine. Maghahatid ako do'n," napipilitan niyang sagot.
Kumuha siya ng isang malinis na 500mL
