Daphne
Mabilis na lumipas ang dalawang linggo at ipinagpasalamat ko na hindi ako nakita ni Zach ni minsan. Sa araw-araw na ginawa niya ay puro lamang ito meetings at halos magsawa na ako na sundan siya dahil wala pa rin akong malaman-laman. Siguro ay masyado ko lang siyang pinag-iisipan ng masama na dapat ay hindi kaya mas maganda na magtiwala na lamang ako sa kanya. Baka nga naman hindi na talaga niya alam kung nasaan si Vladimir at ako lang ang nag-iisip na may alam siya.
Huling araw ko na ngayon dito sa Hotel del Coronada at kailangan ay mas mauna ako kay Zach na umuwi kundi ay baka mahuli niya akong wala sa bahay. Bago ako mag-check out ay bumaba na muna ako sa frontdesk upang bigyan ng tip ang nagsabi sa akin noon kung nasaan ang room ni Zach. Pagbaba ko ay pupunta na sana ako s
