"PATRICK."
Parang may dumaan na anghel sa buong sala nang bumaba si Graciella sa living room. Ramdam niya agad ang mga matang nakasunod sa kanya—mga taong nandoon na halatang kilala si Patrick, pero siya ay isang estranghero. Agad siyang nakaramdam ng matinding pagkailang. Hindi na niya inintindi kung sino-sino ang mga ito; wala na siyang oras para kilalanin pa sila isa-isa.
Diretso ang tingin niya kay Patrick. Agad nitong sinalubong ang mga mata niya—matalim, matalim at parang alam na nito kung ano ang balak niya.
"Can I talk to you for a minute?" malamig at diretso niyang tanong.
Bahagyang umangat ang labi ng lalaki, halos pilyong ngisi iyon. Wala nang sinabi pa, tumayo lang siya at sumunod agad.
Pagkapasok nila sa silid niya sa 100b, naamoy niya agad ang amoy ng bagong ligo nitong
