HINDI naman mahirap ang pakiusap na hinihingi sa kanya ni Patrick. One week lang, ‘di ba? Mabilis lang naman ang isang linggo. Kung tutuusin, kaya naman niyang tiisin iyon. Pero kaya ba talaga niya? Kaya ba niyang manatili sa iisang bubong, sa iisang kwarto, sa iisang higaan kasama si Patrick na hindi siya tuluyang mahuhulog dito?
Para siyang kumuha ulit ng bato at ipupukpok ulit sa ulo niya. Bakit ba niya kailangang i-entertain ang ganitong posibilidad? At bakit ba sa tuwing si Patrick ang may hinihingi sa kanya, hindi siya makatanggi? Para bang may invisible na tali itong nakakabit sa kanya na hindi niya maputol kahit pilitin pa niya.
Wag na lang banggitin pang kinukunsinti niya ang sarili sa pagiging haliparot. Ayaw niyang aminin pero iyon ang nasa isip niya ngayon. Sa tuwing pumapaya
