"Ano?! Sinampal ka ni Criza tapos pinagtripan ka pa ni Zage?!" hindi makapaniwalang sigaw ni Pinky at malakas na hinampas ang kamay niya sa lamesa. Siraulo talaga, mabuti at kami lang ang tao rito sa cafeteria kung hindi baka kanina pa kami pinagtitinginan.
Wala kaming teacher kasi may meeting kaya bumaba na lang kaming tatlo ni Jason at Jherlyn para makipagkwentohan kay Pinky.
"Hinaan mo lang naman, mare. Ang lakas ng hampas mo sa lamesa, e, pag ‘yan nasira bawas ‘yan sa sweldo mo sige," nailing kong sabi sa kanya.
"E, kasi naman, bes, sinong hindi magugulat sa sinabi mo? Nakakapang-init kaya ng ulo! Kung sana sumama kami, e ‘di nakasampal na rin kami kay Criza," sabat naman ni Jason.
"Nasampal ko naman din siya, e. Syempre magpapatalo ba si ako? Pero hindi ako nakaganti do’n sa ginaw
