Chapter 15 – Ang Lihim na Kasunduan
Malamig ang simoy ng hangin nang pumasok si Mira sa isang pribadong restaurant sa Quezon City. Eleganteng lugar iyon—mahahabang kurtina, crystal chandeliers, at tahimik na ambiance na parang hindi bagay sa bigat ng kanyang dalang pakay. Sa pinakadulo ng VIP section, nakaupo ang isang lalaking may presensya na hindi basta-basta: si Ramon Ramirez, ang ama ni Marco.
Nakatitig ito sa kanya, seryoso at walang bahid ng emosyon. Naka-itim na suit at may hawak na baso ng alak, halatang sanay sa pakikipag-negosasyon at hindi basta-basta nagpapatalo.
“Mira Yanez,” bungad ng matanda. “Ikaw pala ang babaeng matagal nang gumugulo sa anak ko.”
Bahagyang ngumiti si Mira, kahit kabado. “Hindi ko intensyon na manggulo. Ang gusto ko lang ay bumalik siya sa akin. At ku
