احببتها بعد عذابها الجزء الثالث

بسم الله الرحمن الرحيم ♥️ احببتها بعد عذابها ? الجزء الثاني ? البارت الخامس عشر ❤️ " لن اهرب منك بل سأهرب اليك " فى قصر صقر الشناوى صقر : حور خلاص بقا قولتلك هروح واجى على طول أن شاء الله حور بدموع : مش مرتاحه يا صقر فى حاجة غلط صقر : مافيش اى حاجه انتى بس خايفه الماضى يعيد نفسه معايا بس متقلقيش انا واخد معايا حراسه كافيه وربنا معايا وخير أن شاء الله حور : خلى بالك من نفسك كويس يا صقر صقر : حاضر يا حبيبتي وانتى كمان خلى بالك من نفسك ومن الولاد كويس تمام حور : تمام صقر : يلا انا هنزل تحت اسلم عليهم ومش عايز اشوف دموع فى عينيكى عشان رؤى تمام حور : حاضر فى الأسفل احلام : ايه الشنطه دى يا صقر صقر : انا مسافر يا امى يومين كده وأرجع تانى أن شاء الله رؤى : هتسافر ازاى يا بابا صقر حضن رؤى : اهدى يا قلب بابا انا مسافر اخلص شغل وارجع على طول رؤى بدموع: مش لازم صقر : لا يا حبيبتي لازم اسافر وهرجع على طول باذن الله رؤى بتماسك : خلى بالك من نفسك يا صقر صقر : وانتى كمان. يا قلب صقر جهزى ترتيبات فرحك انتى واخوكى وانا قبل الفرح أن شاء الله هكون موجود ماشى رؤى : حاضر يا بابا صقر سلم عليهم ومشى فى المطار صقر : خلاص فاضل ربع ساعة أمشى انت يا مراد مراد بتوتر :لا عادى أما تمشى صقر : مالك يا مراد فى ايه مراد : مافيش حاجه يا صقر انا كويس صقر : ده عليا انا يعنى مراد أنجز انا مش فاضى مالك فى ايه مراد : انا قلقان يا صقر منك ومن دماغك انت عايز تعمل ايه بالظبط صقر : اللى قولتلك عليه بالظبط مراد : بلاش يا صقر بلاش أرجع صقر : انت اللى بتقول كده يا مراد أرجع ليه مراد : صقر مش وقت كلام كتير أرجع انا مش مطمن ومش مرتاح واكيد فى حاجة هتحصل بلاش صقر : وانا مش هرجع يا مراد مش هرجع صقر الشناوى عمره ما ياخد قرار ويرجع فيه وانت عارف كده كويس اوى تيجى انت بعد العمر ده كله تقولى ارجع فى قرارك يا صقر مراد : انا خايف عليك يا صاحبي خايف صقر : مافيناش من الخوف يا صاحبى احنا عشنا طول عمرنا بنواجهه اللى ادامنا وعمرنا ما عرفنا يعنى ايه استسلام مش بعد الوقت ده كله نرجع ونقول كفايه لا يا مراد مراد : خلاص خلى بالك من نفسك كويس وخليك دايما معايا يا صقر مراد ما يساويش حاجه من غير صقر انت فاهم صقر حضنه : صقر ومراد واحد وعمرنا ما نفترق عن بعض ابدا صقر : يلا بقا يخربيتك الطيارة هتطلع مراد بضحك : ياخويا خليها تطلع بلا نيله صقر : ههههه دى سارة اللى بتتكلم كده مراد : ههههه عوجت ل**نى خالص المهم انت روح وارجعلنا بسرعه صقر : سلام مراد : سلام يا صاحبي فى بيت العربى هاله : اموله شوفى مين على الباب الاكل هيتحرق يابت امل : هههه طيب طيب يا فاشله امل فتحت الباب امل : انت تانى عايز ايه احمد : الله فى ريحه فراخ بتتحمر صح ده انا هموت من الجوع وسعى كده اعملى حسابى معاكى يا لولو هاله طلعت من المطبخ هاله : عايز ايه احمد : عايز ايه ايه بقولك اعملى حسابى معاكى يا لولو جعاااااان يلا امل قفلت الباب جامد : استغفر الله العظيم يارب احمد : شطورة يا امولتى كل شويه كده استغفرى ربنا عشان يغفرلك ذنوبك وتاخدى حسنات امل : طب كويس انك عارف ربنا اهو استغفره انت يمكن يغفرلك ذنوبك احمد : دى حاجة بينى وبينه محدش ليه دعوة بيها يلا بقا شوفى اختك اللى ساقطه اقتصاد منزلي دى لتولع فينا امل غصب عنها ضحكت امل دخلت لهاله هاله : بتضحكى على ايه يا مصيبه انتى هو البنى ادم اللى برة ده بيعرف يضحك امل بضحك : بصراحه ضحكنى عليكى هههههه هاله بغيظ : ده اللى هو ازاى يعنى امل : أصله قالى ادخلى شوفى اختك اللى ساقطه اقتصاد منزلي دى لتولع فينا ههههه هاله بغيظ اكتر : وحياه امك انتى وهو امل : هههههههه سورى معرفتش امسك نفسي والله هو مش بيقول حاجه غلط هاله : والله طب خدى بقا والله ما انا مكمله يا ناجحه اقتصاد منزلي امل : ههههه مجنونه والله هاله طلعت فى الصاله احمد : لولوة اذيك هاله : ببقى أحسن والله قبل ما اشوفك ولما اشوفك ببقى مش كويسه وبحس انى عايزة ارجع كده احمد : ترجعى ليه بتشوفى دور برد ده انا اخوكى هاله : كان اهون والله دور البرد كنت اخدت برشامه وغار فى ستين داهيه إنما انت اخويا زى ما قولت انت احمد : امممم ماشى يا لولوة المهم عملتى ايه فى اللى قولتلك عليه هاله : اللى هو احمد : هنستعبط بقا ولا ايه هاله : لا والله بكره الاستعباط زيك كده بالظبط احمد : ما تتعدلى يابت بقا ولا انتى عايزة قلم يفوقك كده هاله : اخلص وقول انت عايز ايه ومش كل شويه تفضل تنطلنا بقا احمد متجاهل كلامها: عملتى ايه مع فهد هاله : هعمله ايه يعنى معاملتش حاجه احمد : أيوة يعنى ناويه تعملى أمتى هاله : بمزاجي احمد : امممم ومزاج حضرتك ده امتى عشان اعرف بس هاله : أما تبعد عننا وتسيبنا فى حالنا وقتها يجيلى مزاج احمد : انا مش هقول كلامى تانى اللى قولت عليه يتنفذ فى اسرع وقت ممكن لاحسن والله يا هاله والله كمان مره هتزعلى منى جامد اوي وزعل ممتوقعهوش فى حياتك هاله : والله اى حاجه منك متوقعه اصلا احمد : أيوة كده اتوقعى انى ممكن اعمل حاجات مش فى بالك اصلا هاله : اللى عندك اعمله احمد : هوريكى الاكل يا امل جبت أخرى امل : الاكل جهز اهو يلا احمد : يلا يا اخواتى يا حبايب قلبي فى قصر صقر الشناوى رؤى : ألو مازن : ايه يا قلبى رؤى بزعل : مازن مازن : مالك يا رؤى فى ايه رؤى : مازن بابا سافر مازن : أيوة يعنى فين المشكله رؤى : مازن بقولك بابا سافر تقولى فين المشكله مازن : ااه فهمت يا حبيبتي معلش والله اصلى مش مركز عشان كنت فى اجتماع طويل ولسه مخلصه من شويه رؤى : خلاص انا هقفل سلام مازن : استنى يابت خدى هنا رؤى : نعم عايز ايه مازن : ممكن قمرى يجهز نص ساعه اعدى عليه نتعشى برة رؤى : لا انت مش فاضى ومش مركز مازن : أيوة بقى هنزعل اهو وهيكون كمان مع العشا شيكولاته والواحد يغرم بقا رؤى بضحكه : والله إذا كان عاجبك مازن : عاجبنى يا قلبى انا أقدر اعترض بردوا يلا يا حبيبي انا نص ساعه واكون عندك ماشى رؤى : ماشى يا حبيبي سلام مازن : سلام يا قلبى فى قصر مراد ا***ذلى فادى : يعنى هتفضلى لاويه بوزك كده كتير ميار : ايه لاويه بوزك دى فادى : اومال ايه اللى انتى عملاه ده واللى انا شايفه ده ميار : معرفش فادى : طب ممكن افهم انتى زعلانه ليه ومن ايه ميار : يعنى انت مش عارف المفروض يكون بكرة فى ايه فادى : بكرة ما هو مش عيد ميلادك ولا يوم خطوبتنا هيكون يوم ايه بقا غير كده ميار : والله هما دول المهمين عندك بس فادى : انا اسف ياسيتى مع انى مش عارف بتاسف على ايه بس مش مشكله ها قوليلى بقا بكرة فى ايه ميار : المفروض يا استاذ فادى بكرة نروح نشوف فستان فرحنا عرفت فادى بتعجب : والمصحف الشريف طب قولى والله ميار : والله فادى : لا عندك حق يابت يا ميار يابنت سارة تزعلى ده انا طلعت وحش اوى ميار : شوفت بقا انك وحش فعلا فادى : تؤتؤ عندك حق انا مش عارف انتى مكمله مع واحد زيى ينسى الايام المهمه دى ازاى اخس عليا اخس ميار : اد*ك قولت اهو عشان أما اسيبك واتخطب لواحد تانى يبقى عندى حق فادى بعصبيه : نعمممممم بتقولى ايه انتى اتجننتى ولا ايه ميار فوقى كده هااااا فووووووووقييي ميار بخوف : فى ايه بهزر والله فادى بعصبية : لا يا استاذه مافيش هزار فى الحاجات دي انتى فاهمه ولا لا ولا عايزانى افهمك بطريقه تانيه تخليكى تكرهينى فيها فعلا و بردوا مش هتسيبينى ولا هتكوني لحد غيرى انتى فاهمه ولا لا ميار : وانا عمرى ما اسيبك أو حتى افكر فى غيرك أهدى بس والله كنت بهزر معاك فادى : انا ماشى سلام ميار : فادى استنى بس فادى : عايزة ايه اخلصى مش فاضى ميار : خلاص امشى مش عايزة حاجة انت ناقص تض*بنى فادى : والله لولا انى مقتنع أن اى راجل فى الدنيا بيض*ب ست مبعترفش بيه أنه راجل أساسا لكنت مديت ايدى عليكى بس انت مش كده ولا بحب كده ميار : وده اللى بيحببنى فيك يا قلبى والله اسفه مكنش اصدى فادى: ماشى ميار : يعنى هتيجى معايا بكرة فادى : أن شاء الله يبقى عرفينى الساعه كام عشان اعدى عليكى اخدك ميار : حاضر يا حبيبي. خلاص مش زعلان فادى : خلاص ميار : خلاص ايه قول مش زعلان فادى : خلاص مش زعلان ومتتكررش تانى فاهمه ميار : فاهمه ياباشا هو انا اقدر بردوا فادى : أيوة كده شطورة يا قلبى يلا همشى دلوقتي عشان تعبانه وعايز انام ميار : ماشى يا حبيبي سلام فادى : سلام فادى لنفسه والله اللى يمشى على عقل البنات دىل ليتجنن اهم حاجه ناخدهم على اد عقلهم ونطاوعهم عشان نعدى يومنا على خير ومن غير اى خسائر فى وش الواحد فى احد.المطاعم الكبيرة التي تطل على نهر النيل مازن : ها يا قمرى المكان عاجبك رؤى : اه يا حبيبي حلو اوى مازن : طيب هتكلى ايه رؤى : اى حاجه مازن طلب لهم الطعام مازن : هتفضلى زعلانه كده كتير رؤى: مش قادرة انسى ودلوقتي بابا سافر افتكرت كل حاجه تانى مازن : حبيبتي اللى حصل زمان عارف أنه صعب اوى عليكى بس الحمد لله قدرنا نتخطى الموضوع بدليل انك وافقتى على الجواز صح رؤى : صح مازن : يبقى خلاص متقلقيش من اى حاجه ولا تخافى وان شاء الله صقر هيرجع بالسلامه ومافيش داعى لاى خوف أو قلق رؤى : انت شايف كده مازن : لا انا شايف اجمل بنت فى الدنيا كلها قاعدة ادانى دلوقتي وبعد كام يوم بس هتبقى مراتى وهتبقى على أسمى وهتبقى بتاعتى انا وبس ويبقى صقر يورينى هيعرف ياخدك منى ازاى ده هطلع عينه عشان اخليه يشوفك خمس دقايق بس رؤى بضحك : ههههه لا وانت تعرف أن صقر بيحتاج إذن حد عشان يعمل حاجه او يشوف حاجه تخصه مازن : هههه لا المرة دى بقا هيكون محتاج إذن منى عشان يشوف حرم مازن مراد ا***ذلى رؤى : هههه ياولا واثق انت من نفسك مازن : هههه انا لو مكنتش واثق كنت قولت لصقر وانا عندى سبع سنين انا انا اكبر هتجوز بنتك واللى عندك أعمله انا بقولك كده بس عشان تعرف وانا جاى معاك سكه ودوغرى رؤى : ههههه أيوة أيوة فاكره ووقتها صقر كان هيض*ب مراد مازن : هههههه احنا مبنخافش يا ماما احنا بنترعب بس رؤى: ههههه اتشعوا وروحوا بعد عدة ساعات وصل صقر البلد المراد بها ( ألمانيا) صقر كان استقباله عدد كبير من الحراس الشخصيه له لأن صقر الشناوى معروف فى ألمانيا لأنه يمتلك اكبر شركه معماريه فى دول أوروبا كلها وصل صقر الفندق وهو من أكبر فنادق ألمانيا وصعد للجناح الخاص به وخلد للنوم للاستعداد لما هو جاء لأجله فى مكاناً ما 1 : وصل 2 : البوص مدناش أوامر ليه 1 : البوص مش عارف هو مش عايز يرجع من هناك ليه 2 : يمكن حن لوطنه 1 : البوص ويحن لا بعيده عنه دى 2 : احنا نفضل مراقبينه من بعيد لبعيد من غير ما حد يشك في حاجه 1 : ماشى وبلغ البوص بردوا يمكن يقولنا حاجه 2 : تمام وانت والرجاله فتحوا عينيكوا شويه 1 : تمام 2 :. أما نشوف آخره صقر الشناوى ده ايه وايه حكايته مع البوص يتبع .......