┈┈┈┈◦•✩•◦┈┈┈┈
Isang linggo na ulit ang lumipas, pero hanggang ngayon ay wala pa ring balita kay Calix kung uuwi ba siya o hindi. Snasagot naman niya ang mga mensahe ni Amy, dalawang beses na nga sa loob ng isang linggo pero pareho lang ang sinasabi na busy lang daw siya. Laging busy.
Araw-araw siyang nag-aantay, umaasang uuwi na ito. Pero habang tumatagal, mas lalo lang siyang nasasaktan. Minsan gusto na niyang sumuko, gusto na niyang itigil ang kanyang paghihintay na parang walang kasiguraduhan. Pero tuwing naiisip niyang pakakawalan niya si Calix, parang may humahawak ng mahigpit sa puso niya at pinipigilan siyang gawin ‘yon. Masakit ang lahat ng 'yon para sa kanya, kasi alam niyang dapat na niyang bitawan, pero hindi niya magawa. Hindi niya kayang palayain ang taong mahal niya, kahi
