┈┈┈┈◦•✩•◦┈┈┈┈
"Ano nangyayari sa’yo, Calix? Ilang linggo ka na yatang nagkukulong dito sa opisina mo at duon sa condo mo. May problema ka ba na hindi mo sinasabi sa amin?" Tanong ni Marcus, sabay tingin nito sa magulong desk ni Calix, ang daming nakakalat na mga papel, folders, at tasa ng kape. Pinagmasdan ni Marcus ang kaibigan na tahimik at abala lang sa pagtipa sa keyboard habang nakaupo ng tuwid sa swivel chair. Halata sa mga mata nitong may mabigat na dinadala.
Trabaho, misyon, at alak lang ang naging mundo ni Calix nitong mga nakaraang linggo mula nang huling araw na nakaharap niya si Amy. At mula nang talikuran siya nito, para bang naglaho ang lahat ng ingay sa kanyang paligid. Tahimik na lang. Malamig. Parang wala na siyang naririnig pa. At sa bawat gabing dumaraan, ramdam na ram
