┈┈┈┈◦•✩•◦┈┈┈┈
"Amy, nasaan ka ba talaga? Nasaan kayo ng anak natin? Calixto? Calixto ang ibinigay mong pangalan sa kanya? Ibig sabihin ay gising ka ng gabing 'yon at narinig mo ang pangalang binanggit ko?" Bulong ng isipan ni Calix habang nasa isang sulok siya ng opisina at hinihintay ang pagpasok ni Marcus, inaalala ang nakasulat sa birth certificate na itinago niya sa condo niya. Limang buwan na ang nakalipas mula ng iwanan niya si Amy. May mga pagkakataong sumasagi sa isipan niya ang kanyang dating asawa, pero nilulunod lamang niya ang mga araw niya sa pagpapaka-busy sa mga trabaho at sa misyong ibinibigay sa kanya ni Marcus.
Pinuntahan niya ang impormasyong nakasulat sa record ng kapanganakan ni Amy, pero ang ginamit na address ni Amy ay ang bahay nila sa Pampanga kaya hindi niya al
